लागा तयारीला!!झेडपी-पंचायत समिती निवडणुकांसाठी मतदार यादीचा कार्यक्रम जाहीर

(सोलापूर आजतक न्यूज नेटवर्क)
राज्यातील 32 जिल्हा परिषदा आणि 336 पंचायत समित्यांच्या सार्वत्रिक निवडणुकांसाठी राज्य निवडणूक आयोगाने मतदार यादीचा कार्यक्रम जाहीर केला आहे. याअनुसार प्रारुप मतदार यादीवर हरकती व सूचना दाखल करण्याची कालावधी 8 ते 14 ऑक्टोबर 2025 असेल.

मतदारयादीचा कार्यक्रम जाहीर…
राज्य निवडणूक आयोगाने 1 जुलै 2025 हा अधिसूचित दिनांक निश्चित केला असून, त्या दिवशी अस्तित्वात असलेली विधानसभेची मतदार यादी (Voter List) या निवडणुकांसाठी वापरण्यात येईल. जिल्हा परिषद व पंचायत समिती निवडणुकीसाठी प्रारुप (ZP And Panchayat Samiti) मतदार यादी 8 ऑक्टोबर 2025 रोजी प्रसिद्ध होईल. या यादीवर हरकती व सूचना दाखल केल्यानंतर अंतिम मतदार यादी 27 ऑक्टोबर 2025 रोजी जाहीर (Elections 2025) केली जाईल.

हरकती व सूचनांचा वापर…
मतदार याद्यांमध्ये विधानसभा मतदार यादीप्रमाणेच नाव व पत्ते कायम ठेवले जातात. नवीन नावांचा समावेश, नावे वगळणे किंवा पत्त्यात दुरुस्ती यासारख्या बदलासाठी केवळ हरकती व सूचनांचा वापर केला जाईल. या प्रक्रियेत मुख्यतः लेखनिकांकडून झालेल्या चुका, प्रभागाच्या यादीत नाव नसणे किंवा निर्वाचक गणनेतील त्रुटी दुरुस्त केल्या जातील.

निवडणूक प्रक्रियेत पारदर्शकता…
राज्य निवडणूक आयोगाचे हे पाऊल निवडणूक प्रक्रियेत पारदर्शकता आणि लोकशाहीतर्फे सहभाग सुनिश्चित करण्यासाठी महत्त्वाचे ठरणार आहे. मतदार यादीतील हरकती व सूचना दाखल करण्यासाठी नागरिकांनी आपला अधिकार वेळेत वापरण्याचे आवाहन केले आहे.

जिल्हा परिषदांमधील अध्यक्षपदाचे आरक्षण…
ठाणे -सर्वसाधारण (महिला)
पालघर – अनुसुसूचित जमाती
रायगड- सर्वसाधारण
रत्नागिरी- नागरिकांचा मागास प्रवर्ग (महिला)
सिंधुदुर्ग – सर्वसाधारण
नाशिक -सर्वसाधारण
धुळे -नागरिकांचा मागास प्रवर्ग (महिला)
नंदूरबार-अनुसूचित जमाती
जळगांव – सर्वसाधारण
अहिल्यानगर अनुसूचित जमाती (महिला)
पुणे -सर्वसाधारण
सातारा- नागरिकांचा मागास प्रवर्ग (महिला)
सांगली – सर्वसाधारण (महिला)
सोलापूर – नागरिकांचा मागास प्रवर्ग
कोल्हापूर- सर्वसाधारण (महिला)
छत्रपती संभाजीनगर -सर्वसाधारण
जालना – नागरिकांचा मागास प्रवर्ग (महिला)
बीड – अनुसूचित जाती (महिला)
हिंगोली -अनुसूचित जाती
नांदेड – नागरिकांचा मागास प्रवर्ग (महिला)
धाराशिव – नागरिकांचा मागास प्रवर्ग (महिला)
लातूर – सर्वसाधारण (महिला)
अमरावती – सर्वसाधारण (महिला)
अकोला – अनुसूचित जमाती (महिला)
परभणी – अनुसूचित जाती
वाशिम अनुसूचित जमाती (महिला)
बुलढाणा -सर्वसाधारण
यवतमाळ सर्वसाधारण
नागपूर – नागरिकांचा मागास प्रवर्ग
वर्धा- अनुसूचित जाती
भंडारा – नागरिकांचा मागास प्रवर्ग
गोंदिया – सर्वसाधारण (महिला)
चंद्रपूर – अनुसूचित जाती (महिला)
गडचिरोली -सर्वसाधारण (महिला)

सोलापूर आजतक