मंगळवेढा / प्रतिनिधी : मंगळवेढा तालुक्यात आरोग्यसेवेच्या क्षेत्रात अल्पावधीतच ठसा उमटवणारे बेलदार हॉस्पिटल सध्या रुग्णांसाठी आशेचा किरण ठरत आहे. उद्घाटनानंतर अवघ्या दोन महिन्यांच्या कालावधीत या हॉस्पिटलने केलेली कामगिरी उल्लेखनीय असून, जवळपास १५ रुग्णांचे अत्यंत किचकट आणि जटिल शस्त्रक्रिया यशस्वीरित्या पार पाडत रुग्णांचा विश्वास संपादन केला आहे.
दोन महिन्यातच तब्बल २५० रुग्ण आयसीयुमध्ये दाखल होऊन सुखरूप घरी परतले तर पंधरा रुग्णांची अत्यंत किचकट आणि जटील शस्त्रक्रिया यशस्वी
या काळात सुमारे २५० हून अधिक रुग्णांना आयसीयू विभागात दाखल करून त्यांच्यावर प्रभावी उपचार करण्यात आले असून, उपचारानंतर हे रुग्ण सुखरूप घरी परतले आहेत. ही बाब हॉस्पिटलच्या कार्यक्षमतेचे आणि डॉक्टरांच्या कौशल्याचे द्योतक मानली जात आहे. बेलदार हॉस्पिटलची खासियत म्हणजे अत्याधुनिक सुविधा. सुसज्ज आयसीयू, आधुनिक तंत्रज्ञानाने सुसज्ज ऑपरेशन थिएटर, स्वच्छता आणि आकर्षक रचना यामुळे हे हॉस्पिटल मंगळवेढा तालुक्यातील एक आदर्श आरोग्यकेंद्र म्हणून उदयास आले आहे. ग्रामीण भागात अशा दर्जेदार सुविधा उपलब्ध होणे ही मोठी बाब मानली जात आहे. फक्त मंगळवेढा तालुकाच नव्हे, तर संपूर्ण सोलापूर जिल्ह्यातील रुग्ण या हॉस्पिटलमध्ये उपचारासाठी येत आहेत. कमी खर्चात दर्जेदार उपचार मिळत असल्यामुळे गरिबांसाठी हे हॉस्पिटल आधारवड ठरत आहे, तर आधुनिक सुविधा आणि सेवा यामुळे सुस्थित रुग्णांचाही विश्वास येथे वाढत आहे.
बेलदार दांपत्याने मंगळवेढा तालुक्यातील रुग्णांच्या आरोग्यसेवेचा उचलला विडा
हॉस्पिटलचे प्रमुख डॉक्टर सचिन बेलदार हे रुग्णांना अत्यंत समर्पित भावनेने सेवा देत असून, त्यांच्या अनुभव आणि कौशल्यामुळे अनेक गुंतागुंतीच्या शस्त्रक्रिया यशस्वी झाल्या आहेत. तसेच, डॉक्टर अपेक्षा बेलदार या बालरोग तज्ञ म्हणून लहान मुलांना योग्य आणि प्रभावी उपचार देत आहेत. त्यांच्या सेवेमुळे पालकांमध्येही समाधानाचे वातावरण आहे. बालरोग तज्ञ डॉक्टर अपेक्षा बेलदार यांच्या मार्गदर्शनाखाली लहान मुलांच्या अत्यंत जटिल अशा शस्त्रक्रिया यशस्वीरित्या करण्यात आलेल्या आहेत. याशिवाय लहान मुलांचे व नवजात शिशु बालकांचे सुसज्ज असे अतिदक्षता विभाग व आधुनिक लसीकरण सुद्धा बेलदार हॉस्पिटलमध्ये उपलब्ध आहे.
एकूणच, मंगळवेढा येथील शिशुविहार समोर श्रीराम मार्ट जवळ दामाजीनगर येथे सुरू असलेल्या आणि अत्यल्प कालावधीतच मंगळवेढा आणि परिसरातील नागरिकांचा विश्वास जिंकला असून, भविष्यातही बेलदार हॉस्पिटल आरोग्यसेवेच्या क्षेत्रात नवे मापदंड प्रस्थापित करेल, अशी अपेक्षा व्यक्त केली जात आहे.
