सोलापूर / प्रतिनिधी : एकनाथ स्वाभिमानी शिक्षककर्मचारी पतसंस्थाच्या चेअरमनपदी बापूसाहेब आडसूळ यांची निवड झाल्याबद्दल लोहार समाजाच्या वतीने त्यांचा सत्कार करून अभिनंदन करण्यात आले. समाजातील विवध पदाधिकारी व कार्यकर्त्यांच्या उपस्थितीत हा कार्यक्रम उत्साहात पार पडला.
बापूसाहेब आडसूळ यांच्या निवडीमुळे संस्थेच्या कार्याला नवी दिशा मिळेल, तसेच शिक्षक व कर्मचारी वर्गाच्या आर्थिक विकासासाठी त्यांच्या नेतृत्वाखाली संस्था अधिक सक्षमपणे काम करेल, असा विश्वास उपस्थितांनी व्यक्त केला. यावेळी लोहार समाजाच्या वतीने त्यांना शाल, श्रीफळ व पुष्पगुच्छ देऊन सन्मानित करण्यात आले.
कार्यक्रमात बोलताना उपस्थित मान्यवरांनी आडसूळ यांच्या कार्याची प्रशंसा केली आणि त्यांच्या पुढील यशस्वी वाटचालीस मनःपूर्वक शुभेच्छा दिल्या. समाजाच्या प्रगतीसाठी तसेच पतसंस्थेच्या माध्यमातून सदस्यांना अधिकाधिक सुविधा उपलब्ध करून देण्यासाठी त्यांनी सातत्याने प्रयत्न करावेत, अशी अपेक्षाही व्यक्त करण्यात आली.
याप्रसंगी लोहार समाज संघटनेचे अध्यक्ष महेश लोहार, जिल्हाध्यक्ष बालाजी लोहार, उमेश टिंगरे, निखिल लोहार, सौरभ पवार, संदेश बारडोळे, सचिन टिंगरे, नितीन पोफळे आदी मान्यवर व समाजबांधव मोठ्या संख्येने उपस्थित होते.
कार्यक्रमाचे वातावरण आनंददायी व उत्साहपूर्ण होते. उपस्थितांनी बापूसाहेब आडसूळ यांच्या पुढील कार्यकाळासाठी शुभेच्छांचा वर्षाव केला.
