नंदेश्वर / प्रतिनिधी : महाराष्ट्र राज्य विद्युत पारेषण कंपनी मधील कर्मचारी तथा नंदेश्वर गावचे भूमिपुत्र सखाराम उर्फ दादासाहेब लोहार यांची तंत्रज्ञ १ या पदावर पदोन्नती झाली आहे. त्यांच्या या यशाबद्दल सर्व स्तरांतून त्यांचे अभिनंदन करण्यात येत आहे. सखाराम लोहार हे सध्या हिंजवडी (पुणे) येथे कार्यरत आहेत.
लोहार यांनी आपल्या सेवाकाळात प्रामाणिकपणे व जबाबदारीने काम करत कंपनीच्या कामकाजात मोलाचे योगदान दिले आहे. तांत्रिक कौशल्य, कार्यतत्परता आणि संघभावना या गुणांच्या जोरावर त्यांनी वरिष्ठांचा विश्वास संपादन केला. त्यांच्या सातत्यपूर्ण परिश्रमांची दखल घेत त्यांना ही पदोन्नती देण्यात आली आहे.
या पदोन्नतीमुळे त्यांच्या कुटुंबीयांसह सहकाऱ्यांमध्ये आनंदाचे वातावरण आहे. भविष्यातही त्यांनी कंपनीच्या प्रगतीत महत्त्वाची भूमिका बजावावी, अशा शुभेच्छा व्यक्त करण्यात येत आहेत.
