नंदेश्वर (प्रतिनिधी)
जिल्हा परिषद प्राथमिक केंद्रशाळा, नंदेश्वर येथे कार्यरत असलेले शिक्षक बाळासाहेब भीमा मासाळ यांची सन २०२५-२६ च्या आदर्श शिक्षक पुरस्कारासाठी निवड करण्यात आली. मंगळवेढा तालुका प्राथमिक शिक्षक सहकारी पतसंस्था, मंगळवेढा यांच्यातर्फे दिला जाणारा हा सन्मान बाळासाहेब मासाळ यांना गुणवत्तापूर्ण, समर्पित आणि प्रभावी शैक्षणिक कार्याबद्दल प्रदान करण्यात आला आहे.
उपक्रमशील शिक्षकाचा योग्य सन्मान..
बाळासाहेब मासाळ यांनी विद्यार्थ्यांमध्ये गुणवत्ता विकास, नैतिक शिक्षण व उपक्रमशीलतेसाठी घेतलेले परिश्रम सातत्याने प्रेरणादायी ठरले आहेत. त्यांच्या या सन्मानामुळे शालेय व्यवस्थापन समितीचे बाबासाहेब सासणे, उपाध्यक्ष पोपट बंडगर, शालेय व्यवस्थापन समितीचे सर्व सदस्य,मुख्याध्यापक प्रदीप पाटील व सर्व सहकारी शिक्षक बांधवांकडून त्यांचे विशेष अभिनंदन करण्यात आले.
