सोलापूर आजतक न्यूज नेटवर्क
खडकी येथील गुरुदत्त अध्यात्मिक आश्रमात श्री दत्त जयंती उत्सव गुरुचरित्र अनुष्ठान सोहळ्याची आज सांगता झाली.
गुरुवार दिनांक ४ पासून या सोहळ्यास प्रारंभ झाला. रविवार दिनांक ७ रोजी पुष्पवृष्टी होऊन या अनुष्ठान सोहळ्याची सांगता करण्यात आली.अनुष्ठान सोहळा काळात किर्तन, भजन, प्रवचन, बारा अभंग हे धार्मिक कार्यक्रम झाले. रविवार दिनांक ७ रोजी सकाळी सात वाजल्यापासून कीर्तन, प्रवचन संपन्न झाले. यानंतर मठाधिपती सुदर्शन महाराज यांचे सुश्राव्य किर्तन झाले. दुपारी ठीक बारा वाजता पुष्पवृष्टी होऊन महाप्रसाद नंतर या प्रस्थान सोहळ्याची सांगता झाली.
सर्वच क्षेत्रातील मान्यवरांच्या उपस्थितीत पार पडला अनुष्ठान सोहळा
या अनुष्ठान सोहळ्यास इंचगिरी संप्रदायाचे विवेक पार्सेकर, अभिजित ढोबळे, उद्योजक ज्ञानेश्वर चोपडे, अमर गोडसे, राजाभाऊ खडतरे सातारा, मनसेचे तालुकाध्यक्ष धनाजी गडदे,सरपंच संजय रजपुत, माजी सरपंच रघूनाथ बेलदार, सुरेश कांबळे, सर्वेसर्वा श्री सद्गुरू समर्थ प्रभुदेव महाराज, श्री आनंद काड सिद्धेश्वर महाराज, श्री शिवाजी महाराज तन्हाळी मठ, होनमोरे महाराज हुन्नूर, श्री दत्तात्रय बडे महाराज जामगाव मठ, श्री मीराताई महाराज शिंगणापूर, श्री त्रंबक कटकर महाराज भोसे, श्री शंकर महाराज पंढरपूर, श्री दयाघन महाराज पंढरपूर, श्री सदाशिव नवले सिंहगड परिवार एकतपुर तसेच महाराष्ट्र व कर्नाटकातून मोठ्या प्रमाणात भाविक भक्त उपस्थित होते गुरुदत्त अध्यात्मिक आश्रम लोक कल्याण भूमी श्रीक्षेत्र खडकी मठाचे श्री समर्थ सुदर्शन महाराज यांच्या अमृततुल्य कीर्तनातून कार्यक्रमाची सांगता झाली. यावेळी पुंडलिक साठे महाराज, भारत अवघडे महाराज, भारत देठे, पोपट बुडबुडे, महिपती मोरे महाराज, संगम अवघडे यांचे सह कर्नाटक गोवा महाराष्ट्र या तीन राज्यातून भाविक भक्त मोठ्या प्रमाणात उपस्थित होते. खडकी गावातील सर्व युवकांनी परिश्रम घेऊन कार्यक्रम पार पडला.
