सोलापूर आजतक न्यूज नेटवर्क…
पंढरपूर-मंगळवेढा विधानसभा मतदारसंघातील विकासकामांच्या अग्रभागी राहून काम करणारे लोकप्रतिनिधी म्हणून आमदार समाधान आवताडे हे जनतेच्या मनात भक्कम स्थान निर्माण करण्यात यशस्वी झाले आहेत, अशी प्रतिक्रिया नंदेश्वर येथील श्री माऊली विकास सेवा सोसायटीचे चेअरमन भारत गरंडे यांनी व्यक्त केली आहे. आज आमदार समाधान आवताडे यांचा वाढदिवस असून, या निमित्ताने त्यांचे अभिष्टचिंतन करताना भारत गरंडे यांनी त्यांच्या कार्याचा गौरवपूर्ण आढावा मांडला.
फक्त घोषणाबाजी नाहीतर अंमलबजावणी…
गरंडे म्हणाले की, “पंढरपूर-मंगळवेढा विधानसभा मतदारसंघाचा सर्वांगीण विकास साधण्यात आमदार आवताडे सातत्याने आणि प्रभावीपणे काम करतात. विकासकामे म्हणजे केवळ घोषणाबाजी नव्हे तर प्रत्यक्ष अंमलबजावणी कशी करावी याचे उत्तम उदाहरण त्यांच्या कामातून दिसते.”
दुष्काळग्रस्तांना न्याय मिळवून देण्यासाठी आश्वासक उचलली पावले..
विशेषतः मंगळवेढा तालुक्यातील अनेक वर्षांपासून प्रलंबित असलेल्या दुष्काळी 24 गावांसाठी उपसा सिंचन योजनेची मंजुरी मिळवून देऊन आमदार आवताडे यांनी स्थानिक जनतेचे दीर्घकाळाचे स्वप्न प्रत्यक्षात उतरवले. ही योजना मंजूर करून देणे म्हणजे या भागाच्या भवितव्याला नवी दिशा देणारे पाऊल असल्याचे गरंडे यांनी नमूद केले.
आमदार समाधान आवताडे यांचा वाढदिवस आमच्यासाठी आनंद दिवस – भारत गरंडे
ते पुढे म्हणाले, “शेतकऱ्यांच्या अडचणींची जाण, विकासाकडे पाहण्याची दृष्टी आणि समस्यांवर उपाय शोधण्याची वृत्ती यामुळे आमदार समाधान आवताडे हे खऱ्या अर्थाने विकासाभिमुख नेतृत्वाचे प्रतीक ठरले आहेत. शेवटी, वाढदिवसाच्या शुभेच्छा देताना भारत गरंडे यांनी मतदारसंघाच्या विकासासाठी आमदार आवताडे यांचे नेतृत्व अशाच पद्धतीने पुढेही मार्गदर्शक राहील, असा विश्वास व्यक्त केला.
