नंदेश्वर /प्रतिनिधी
पंढरपूर मंगळवेढा विधानसभा मतदारसंघातील महाविकास आघाडीचे उमेदवार अनिल सावंत यांच्या प्रचारार्थ आज शनिवार दिनांक 16 रोजी पुण्यश्लोक राजमाता अहिल्यादेवी होळकर यांचे वंशज भूषण सिंह होळकर यांची जाहीर सभा आयोजित करण्यात आली आहे.
मंगळवेढा तालुक्याच्या दक्षिण भागात असणाऱ्या नंदेश्वर आणि हुन्नूर या दोन्ही गावात भूषणसिंह होळकर यांची सभा होणार आहे. सकाळी साडेदहा वाजता हुन्नूर येथे सभा होईल तर ठीक बारा वाजता नंदेश्वर येथे सभा होणार आहे. नंदेश्वर आणि हुन्नूर येथे होणाऱ्या सभेसाठी मंगळवेढा तालुक्याच्या ग्रामीण भागातून अनेक राष्ट्रवादीचे कार्यकर्ते सहभागी होणार असल्याची माहिती संयोजकांच्या वतीने देण्यात आली आहे.
