नंदेश्वर/ प्रतिनिधी – नंदेश्वर येथील जिल्हा परिषद प्राथमिक केंद्र शाळेमध्ये शाळेच्या सर्वांगीण विकासासाठी नव्याने शाळा व्यवस्थापन समितीची स्थापना करण्यात आली आहे. शाळेच्या शैक्षणिक गुणवत्ता वाढीसोबतच विद्यार्थ्यांच्या सर्वांगीण प्रगतीसाठी ही समिती महत्त्वाची भूमिका बजावणार आहे. या समितीच्या अध्यक्षपदी समाधान श्रीरंग मोटे यांची सर्वानुमते निवड करण्यात आली असून रेखा सुनील कसबे यांची उपाध्यक्षपदी निवड करण्यात आली आहे. समितीमध्ये गावातील पालक, नागरिक व शिक्षणप्रेमी सदस्यांचा समावेश करण्यात आला आहे.अध्यक्षस्थानी मावळते अध्यक्ष बाबासाहेब सासणे हे होते. यावेळी मुख्याध्यापक प्रदीप पाटील,माजी ग्रामपंचायत सदस्य गुरुलिंग दोलतडे, माजी अध्यक्ष दामाजी सलगर, सद्गुरु माऊली दूध संस्थेचे चेअरमन बाळासाहेब भुसनर, माजी अध्यक्ष आप्पासाहेब मेटकरी, माजी उपाध्यक्ष पोपट बंडगर, सुनील कसबे उपस्थित होते.
समितीचे इतर सदस्य म्हणून संजय जोरवर, तायडा बाबासाहेब करे, रशीद बलभीम कांबळे, तानाजी आप्पा मोटे, स्नेहा चंद्रकांत जोरवर, मेनका लखन कांबळे, संतोष अण्णा चव्हाण, भाग्यश्री भारत लाड , काजल महादेव जाधव यांचा समावेश आहे. तसेच शिक्षणप्रेमी नागरिक म्हणून कोंडीबा देविदास जोरवर यांची निवड करण्यात आली आहे. यावेळी प्रशालेचे सहशिक्षक अशोक मासाळ, बाळासाहेब मासाळ, दादासाहेब इंगोले, रघुनाथ हजारे, सचिन लाळे, ईश्वर गवळी हे उपस्थित होते.
