भोसरी (पुणे) : लोहार समाज बहुउद्देशीय संस्थेच्या* वतीने दरवर्षी दिला जाणारा जीवन गौरव पुरस्कार या वर्षी म्हसला बु.(जि.बुलढाना) येथील हरि ओम मागासवर्गीय शैक्षणिक व सामाजिक संस्थेचे संस्थापक व निवासी अनाथ व मतिमंद मुलांच्या शाळेचे संचालक शिवनारायण केशव पोफळकर (बुलढाणा) यांना जाहीर झाला आहे.
संस्थेच्या वतीने दिल्या जाणारा पहिला कलारत्न पुरस्कार यवतमाळ येथील नादब्रह्म संगीत विद्यालयाच्या संचालक डॉ योगिता गणेश गुजर(यवतमाळ)यांना जाहीर झाला आहे. त्याचप्रमाणे संस्थेच्या वतीने दिला जाणारा पहिला ज्ञानज्योती पुरस्कार उत्तर महाराष्ट्र विद्यापीठातील प्रा डॉ अनिल जगन्नाथ लोहार(जळगाव ) यांना दिला जाणारा आहे. संस्थेच्या वतीने दरवर्षी उद्योजकांना दिला जाणारा उद्योग रत्न पुरस्कार या वर्षी अकलुज( जि.सोलापूर) येथील उद्योजक श्री प्रल्हाद अंबादास नवगण यांनी पटकावला.
डिसेंबर महिन्यात संस्थेच्या वतीने या पुरस्कारांसाठी ऑनलाईन पद्धतीने अर्ज मागविण्यात आले होते. या पुरस्कारासाठी संस्थेचे निवड समितीने केलेल्या शिफारशीनुसार संस्थेने वरील मान्यवरांची शैक्षणिक पात्रता, अनुभव आणि अनुक्रमे सामाजिक, कला, शिक्षण, उद्योग क्षेत्रातील सहभाग लक्षात घेऊन त्यांची लोहार समाज बहुउद्देशीय संस्था जीवन गौरव, कलारत्न, ज्ञानज्योती, उद्योगरत्न पुरस्कारांसाठी निवड केली आहे. संस्थेचे वतीने अध्यक्ष बाळासाहेब शेलार यांनी त्यांचे अभिनंदन केले.
संस्थेच्या वतीने रविवार दि.१ फेब्रुवारी २०२६ रोजी भोसरी (पिंपरी चिंचवड) येथील गोविंद गार्डन मंगल कार्यालयात होणाऱ्या विश्वकर्मा जयंती महोत्सवात प्रमुख पाहुण्यांच्या हस्ते सदर पुरस्कार प्रदान केला जाणार आहे.
संस्थेच्या वतीने दिला जाणारा हा सहावा जीवन गौरव पुरस्कार आहे. यापुर्वी अखिल महाराष्ट्र गाडी लोहार महासंघाचे कै.उत्तमराव पडघमकर व निवृत्त न्यायाधीश श्री दत्तात्रेय सम्राट, नागपूर येथील डॉ वसंतराव साळवणकर व कल्याण येथील गाडी लोहार समाज उन्नती मंडळाचे ॲड.युवराज लोहार, श्री कैलाश लोहार या प्रतिष्ठेच्या मानल्या जाणाऱ्या पुरस्काराचे मानकरी ठरले आहेत. रोख रक्कम रूपये ५००१ , ट्रॉफी, सन्मान पत्र, शॉल, श्रीफळ, असे जीवन गौरव पुरस्काराचे स्वरूप आहे.
