नंदेश्वर /प्रतिनिधी
महाराष्ट्र नवनिर्माण सेनेच्या मंगळवेढा तालुका उपाध्यक्षपदी दक्षिण भागातील लोणार गावचे विलास जावीर यांची निवड करण्यात आली आहे. तालुकाध्यक्ष धनाजी गडदे यांचे हस्ते नंदेश्वर येथे विलास जावीर यांचा सत्कार करण्यात आला. यावेळी मनसेचे शाखाध्यक्ष रावसाहेब लोहार, नाभिक संघटनेचे नेते सतीश क्षीरसागर, किरण ऐवळे, राहुल जावीर, करण येरवे, उदय जावीर, शंकर जावीर, शिवानंद जावीर, आदिनाथ जावीर हे उपस्थित होते. मंगळवेढा तालुक्याच्या दक्षिण भागात असणाऱ्या लोणार गावात तसेच परिसरात विलास जावीर यांनी युवकांचे संघटन चांगल्या प्रकारे केले असल्यामुळे त्यांना तालुका उपाध्यक्ष पदाची जबाबदारी देण्यात आली आहे असे यावेळी बोलताना तालुकाध्यक्ष धनाजी गडदे म्हणाले.
“मनसेचे नेते दिलीप धोत्रे, जिल्हा समन्वयक नारायण गोवे आणि तालुकाध्यक्ष धनाजी गडदे यांच्या मार्गदर्शनाखाली मंगळवेढा तालुक्याच्या दक्षिण भागात मनसेप्रमुख राज ठाकरे यांचे विचार घराघरात पोहोचविणार असल्याचे मत यावेळी सत्काराला उत्तर देताना विलास जावीर यांनी व्यक्त केले.”
