अभिमानास्पद..नंदेश्वर ग्रामपंचायतीचा करसंकलन मोहिमेत सोलापूर जिल्ह्यात व्दितीय क्रमांक तर मंगळवेढा तालुक्यात प्रथम क्रमांक.. सर्व स्तरातून कौतुक

सोलापूर आजतक न्यूज नेटवर्क…
मुख्यमंत्री समृद्ध पंचायत राज अभियान अंतर्गत मिशन स्वाभिमान करसंकलन मोहीमेमध्ये नंदेश्वर ग्रामपंचायतीने करसंकलनात सोलापूर जिल्ह्यात दुसरा क्रमांक तर मंगळवेढा तालुक्यात प्रथम क्रमांक मिळवल्याबद्दल सरपंच सजाबाई दादासाहेब गरंडे, ग्रामविकास अधिकारी इंगोले, ग्रामपंचायत सदस्या लक्ष्मी राहुल कसबे, राहुल कसबे या सर्वांचा अतिरिक्त मुख्य कार्यकारी अधिकारी कोहिणकर, उप मुख्य कार्यकारी अधिकारी भुजबळ, पंचायत समिती विस्तार अधिकारी नरळे यांचे हस्ते प्रमाणपत्र देऊन गौरव करण्यात आला.

नंदेश्वर ग्रामपंचायतीचे सर्व स्तरातून कौतुक…
याआधी शासनाच्या घरकुल योजनेच्या प्रभावी अंमलबजावणीतही नंदेश्वर ग्रामपंचायतीने मंगळवेढा तालुक्यात प्रथम क्रमांक पटकावला होता. या उल्लेखनीय यशाबद्दल आमदार सामाधान आवताडे यांच्या हस्ते ग्रामपंचायतीच्या सरपंच सजाबाई गरंडे व ग्रामसेविका इंगोले मॅडम यांचा विशेष सत्कार करण्यात आला होता. नंदेश्वर ग्रामपंचायतीच्या सरपंच सजाबाई गरंडे आणि ग्रामसेविका इंगोले मॅडम या दोघीही महिला असून देखील ग्रामपंचायतीच्या कार्यवाहीत नेहमीच अग्रस्थानी राहत असल्याने नंदेश्वर ग्रामपंचायतीसह सरपंच आणि ग्रामसेविका, सर्व ग्रामपंचायत सदस्य यांचे सर्व स्तरातून कौतुक होत आहे.

सोलापूर आजतक