नंदेश्वर / प्रतिनिधी : भैरवनाथ शुगरचे चेअरमन अनिल सावंत यांनी नंदेश्वर गावास भेट देत विविध सामाजिक जबाबदाऱ्या पार पाडल्या. यावेळी त्यांनी नंदेश्वर येथील माजी ग्रामपंचायत सदस्य गुरुलिंग दोलतडे यांच्या तब्येतीची आवर्जून चौकशी करून त्यांच्या प्रकृतीत लवकर सुधारणा व्हावी, अशा सदिच्छा व्यक्त केल्या.
तसेच कोंडीराम पतसंस्थेचे चेअरमन बंडू करे यांचे वडील कै. दादा रामू करे यांच्या अलीकडील निधनाबद्दल सावंत यांनी करे कुटुंबीयांची सांत्वनपर भेट घेऊन दुःखात सहभागी होत त्यांना धीर दिला. याचप्रमाणे श्री संत दामाजी कारखान्याचे कर्मचारी सिद्धेश्वर शिंदे यांचे वडील कै. मारुती शिंदे यांच्या निधनाबद्दलही शिंदे कुटुंबीयांची भेट घेऊन त्यांनी शोकसंवेदना व्यक्त केल्या.
या भेटीदरम्यान अनिल सावंत यांनी कुटुंबीयांशी संवाद साधत त्यांच्या दुःखात सहभागी होत समाजाने एकमेकांच्या पाठीशी उभे राहणे हीच खरी माणुसकी असल्याचे मत व्यक्त केले. त्यांच्या या सांत्वनपर भेटींमुळे संबंधित कुटुंबीयांना मानसिक आधार मिळाला. यावेळी युवक नेते युवराज बंडगर, ग्रामपंचायत सदस्य तानाजी मोटे, परमेश्वर लेंडवे हे उपस्थित होते.
