सोलापूर आजतक न्यूज नेटवर्क…
भैरवनाथ शुगर लवंगी या साखर कारखान्याच्या गळीत हंगाम 2024-25 दरम्यान कारखान्यात ऊस भरती करणाऱ्या ऊस उत्पादक शेतकऱ्यांना सवलतीच्या दरात साखर वाटपाला सुरुवात करण्यात आली आहे. या उपक्रमाअंतर्गत मंगळवेढा, बोराळे, मरवडे, हुनूर, बेगमपूर, गोपाळपूर, टा. सिंकदर, सांगोला, कंदलगाव, अडचण इंडी, उमदी, संख, बोरगी या गट कार्यालयांमार्फत साखर वितरित केली जात आहे.
या साखर वाटपाचा शुभारंभ मंगळवेढा येथील भैरवनाथ शुगरच्या शेती विभागीय कार्यालयात करण्यात आला. उद्घाटन प्रसंगी मुख्य शेती अधिकारी शिवाजी चव्हाण, शेती अधिकारी कृष्णदेव लोंढे, तसेच कारखान्याचे इतर अधिकारी, कर्मचारी व मोठ्या संख्येने ऊस उत्पादक शेतकरी उपस्थित होते.भैरवनाथ शुगरतर्फे प्रत्येक हंगामात शेतकऱ्यांना विविध सवलती व सुविधा पुरविल्या जातात. यंदाही शेतकऱ्यांचा सन्मान राखत साखर सवलतीच्या दरात उपलब्ध करून देण्यात येत आहे. या उपक्रमामुळे शेतकऱ्यांमध्ये समाधान व्यक्त केले जात आहे.
