स.स.भाऊसाहेब महाराज यांचा पुण्यतिथी सप्ताह सोहळ्यानिमित्त ‘सद्गुरु महिमा’ या दिनदर्शिकेचे प्रकाशन
नंदेश्वर /प्रतिनिधी
बाळकृष्ण माऊलींचे शिष्य सद्गुरु स.स. भाऊसाहेब महाराज यांच्या 12 व्या पुण्यतिथीनिमित्त दिनांक 9 नोव्हेंबर 2025 रोजी नंदेश्वर येथील श्री बाळकृष्ण माऊली मंदिरात विविध धार्मिक कार्यक्रमांचे आयोजन करण्यात आले. या प्रसंगी ‘सद्गुरु महिमा’ या दिनदर्शिकेचे प्रकाशन मठाचे मठाधिपती बाळासाहेब महाराज यांच्या शुभहस्ते सर्व माऊली भक्तांच्या उपस्थितीत संपन्न झाले.
बाळकृष्ण माऊलींचे पालखीची मिरवणूक..
स.स. भाऊसाहेब महाराज यांचा पुण्यतिथी सप्ताह सोहळा मोठ्या उत्साहात आणि भक्तीभावात पार पडला. शनिवार, दिनांक 8 नोव्हेंबर रोजी बाळकृष्ण माऊलींची पालखी नंदेश्वर गावातून भक्तगणांच्या गजरात आणि टाळ-मृदंगांच्या निनादात निघाली.
स.स.भाऊसाहेब महाराज यांच्या पुण्यतिथी सप्ताह सोहळ्यानिमित्त असंख्य माऊली भक्तांची उपस्थिती..
रविवार, दिनांक 9 नोव्हेंबर रोजी सकाळी नऊ वाजता संगीत भजनाचा कार्यक्रम उत्साहात सुरू झाला. यानंतर मठाधिपती बाळासाहेब महाराज यांनी भक्तांना प्रेरणादायी प्रवचन दिले. दुपारी बारा वाजता पुष्पवृष्टीने सोहळ्याची सांगता झाली. या सर्व कार्यक्रमांना परिसरातील असंख्य माऊली भक्तांनी मोठ्या श्रद्धेने उपस्थित राहून सद्गुरु भाऊसाहेब महाराजांप्रती आपला कृतज्ञ भाव व्यक्त केला.
