टीम सोलापूर आजतक
पंढरपूर-मंगळवेढा विधानसभा मतदारसंघातील राष्ट्रवादी काँग्रेस शरद पवार गटाचे उमेदवार अनिल सावंत यांचा उद्या माचणूर येथे महादेव मंदिरात नारळ फोडून प्रचार शुभारंभ करण्यात येणार आहे. पंढरपूर-मंगळवेढा विधानसभा मतदारसंघात चौरंगी लढत होणार आहे. आता प्रचाराच्या शुभारंभ होऊ लागले आहेत. आज भाजप प्रणित महायुतीचे उमेदवार आमदार समाधान आवताडे यांच्या प्रचाराचा शुभारंभ माजी आमदार प्रशांत परिचारक यांच्या हस्ते माचणूर येथील महादेव मंदिरात नारळ फोडून करण्यात आला. तर शरद पवार गटाचे उमेदवार व भैरवनाथ शुगरचे उपाध्यक्ष अनिल सावंत यांच्याही प्रचाराचा शुभारंभ उद्या मंगळवारी दुपारी चार वाजता माचणूर येथील येथील महादेव मंदिरात नारळ कडून प्रचाराचा शुभारंभ करण्यात येणार आहे. यावेळी राष्ट्रवादी काँग्रेस शरद पवार गटाचे पदाधिकारी, कार्यकर्ते उपस्थित राहणार आहेत. तरी मतदारांनी उपस्थित राहावे असे आवाहन अनिल सावंत यांनी केले आहे.
पंढरपूर-मंगळवेढा मतदारसंघात एकंदरीतच चौरंगी लढत होणार असून यामध्ये विद्यमान उमेदवार आमदार समाधान आवताडे राष्ट्रवादी काँग्रेस शरद पवार गटाचे अनिल सावंत काँग्रेसकडून भगिरथ भालके तर मनसेकडून दिलीपबापू धोत्रे हे निवडणूक रिंगणात उतरले आहेत. त्यामुळे आता निवडणूक प्रचारात रंगत येणार आहे सत्ताधाऱ्यांकडून विकासाचे मुद्दे मांडले जाणार असून तर विरोधकांकडून विकासाला गेला कुणीकडे अशा आरोप करण्यात येत आहे. येत्या २० नोव्हेंबर रोजी मतदान असून २३ नोव्हेंबरला मतमोजणी होणार आहे.
