नंदेश्वर / प्रतिनिधी : मंगळवेढा तालुक्यातील नंदेश्वर येथील जिल्हा परिषद प्राथमिक शाळा, बंडगरवाडी येथील विद्यार्थ्यांनी इयत्ता ५ वी शिष्यवृत्ती परीक्षा २०२६ तसेच मंथन राज्यस्तरीय परीक्षा २०२६ मध्ये उल्लेखनीय यश संपादन करून शाळेच्या शिरपेचात मानाचा तुरा रोवला आहे.
या परीक्षेमध्ये शाळेतील अनेक विद्यार्थ्यांनी उत्कृष्ट कामगिरी करत गुणवत्ता यादीत स्थान मिळवले. संचित लेंडे याने शिष्यवृत्ती परीक्षेत २४२ गुण मिळवत मंथन परीक्षेत २५६ गुणांसह केंद्रात प्रथम क्रमांक पटकावला. तसेच अदिती क्षीरसागर हिने शिष्यवृत्ती परीक्षेत २२० गुण व मंथन परीक्षेत २५० गुणांसह केंद्रात द्वितीय क्रमांक, तर प्राजक्ता शिंदे हिने शिष्यवृत्ती परीक्षेत २०८ गुण व मंथनमध्ये २१४ गुणांसह केंद्रात तृतीय क्रमांक मिळवला.
याशिवाय आर्या माने हिने शिष्यवृत्तीमध्ये १९४ गुण, शौर्य कांबळे याने १७४ गुण, आबा बंडगर याने १३६ गुण, तर मानसी गरंडे हिने मंथन परीक्षेत १११/१५० गुण मिळवत केंद्रात चौथा क्रमांक मिळवून यशाची परंपरा कायम राखली.
या यशामागे मुख्याध्यापक तानाजी लेंडवे, मार्गदर्शक शिक्षक प्रदीपकुमार यादव, महादेव क्षीरसागर व प्रकाश पवार यांचे विशेष मार्गदर्शन लाभले. तसेच मुख्याध्यापक राजाराम कवळे यांच्या नेतृत्वाखाली विद्यार्थ्यांनी सातत्यपूर्ण मेहनत घेत ही यशस्वी कामगिरी साध्य केली. विद्यार्थ्यांच्या या उज्ज्वल यशाबद्दल शाळा व्यवस्थापन समिती, शिक्षकवर्ग आणि ग्रामस्थांकडून त्यांचे कौतुक होत असून सर्व स्तरातून अभिनंदनाचा वर्षाव होत आहे.
