नंदेश्वर /प्रतिनिधी
भोसे येथील जिल्हा परिषद प्राथमिक शाळेतील विद्यार्थ्यांना एम.बी.ए. पाववाला बेकरीच्या वतीने स्वातंत्र्यदिनी वडापाव आणि खाऊचे वाटप करण्यात आले. एम.बी.ए. पाववाला बेकरीचे मालक जुबेर मणेरी यांच्या वतीने खाऊचे वाटप करण्यात आले.
यावेळी बाळासाहेब काकडे, कर्मवीर आवताडे, विवेक स्वामी यांचेसह प्रशालेचे मुख्याध्यापक एल.बी. कोळी, एच.के. निकम, ता.गु. मुलाणी, संगीता संजय निकम, पार्वती मठपती, माधुरी परीट, आनंदराज रायबान, स्नेहल खडतरे हे उपस्थित होते.
एम.बी.ए. पावाला बेकरीच्या वतीने आरीश मणेरी सिद्धार्थ मोरे, अनिरुद्ध ऐवळे, शेखर मोरे, श्री ऐवळे यांनी परिश्रम घेतले.
मुंबई,पुणे सारख्या मोठमोठे शहरांमध्ये एमबीए इतकं मोठं शिक्षण घेऊन जुबेर मणेरी यांनी मोठ्या कंपनीत नोकरी न करता बेकरी हा व्यवसाय निवडला. आणि या छोट्याशा व्यवसायाला आज इतके मोठे स्वरूप प्राप्त करून केले आहे की मंगळवेढा तालुक्याच्या दक्षिण भागासह अर्ध्या जत तालुक्यात त्यांच्या पावांना, केकना मागणी मोठ्या प्रमाणावर आहे. कितीही मोठे शिक्षण घेतले तरी व्यवसाय देखील कोणत्या नोकरीपेक्षा कमी नाही हे दाखवून देण्यासाठी जुबेर मणेरी यांनी आपल्या बेकरीचे नाव एम.बी.ए. पाववाला असे ठेवले आहे. भविष्यकाळात देखील या व्यवसायाला खूप मोठे स्वरूप प्राप्त करून देणार असल्याचे यावेळी जुबेर मणेरी यांनी सांगितले.
