(सोलापूर आजतक न्यूज नेटवर्क)
माजी आरोग्यमंत्री आ.तानाजी सावंत यांनी मराठा समाजासाठी सुरू असलेल्या आरक्षण आंदोलनात प्राण गमावलेल्या आंदोलकांच्या कुटुंबीयांना मोठी आर्थिक मदत जाहीर केली आहे. नुकत्याच पार पडलेल्या आंदोलनादरम्यान मृत्यूमुखी पडलेल्या तीन मराठा आंदोलकांच्या कुटुंबांना प्रत्येकी ३ लाख रुपयांची आर्थिक मदत देण्यात आली.
कुटुंबांचे पालकत्व स्वीकारण्याचा शब्द….
ही मदत मराठा क्रांती मोर्चाचे समन्वयक महेश डोंगरे यांच्या हस्ते संबंधित कुटुंबीयांना प्रदान करण्यात आली. केवळ आर्थिक मदतीपुरते मर्यादित न राहता, आमदार तानाजी सावंत यांनी या तिन्ही कुटुंबांचे पालकत्व स्वीकारण्याची घोषणा करत एक भावनिक आणि सामाजिक बांधिलकी जपणारी भूमिका घेतली आहे.
या आधीही केली मोठी आर्थिक मदत…
या आधीही मराठा आरक्षण आंदोलनात ८६ आंदोलकांनी प्राणांची आहुती दिली होती. त्या सर्व कुटुंबीयांना देखील तानाजी सावंत यांच्या वतीने प्रत्येकी ५ लाख रुपयांची मदत देण्यात आली होती. या व्यतिरिक्त अनेक प्रकारची सामाजिक व आर्थिक मदतही सातत्याने पुरवली जात आहे.
तानाजी सावंत यांचे मराठा समाजासाठीचे हे कार्य उल्लेखनीय असून, समाजात त्यांना “मराठा भूषण” या नावाने ओळखले जाते. त्यांनी घेतलेली भूमिका ही केवळ राजकीय नाही, तर सामाजिक बांधिलकीची जाणीव असलेली आहे.
