सोलापूर आजतक न्यूज नेटवर्क..
भोसे जिल्हा परिषद गटातील भोसे पंचायत समिती गणातून निवडणूक लढविणार असल्याची माहिती कोंडीराम पतसंस्थेचे चेअरमन बंडू करे यांनी दिली आहे. राजकीय घडामोडींना वेग आला असतानाच बंडू करे यांनी आपली भूमिका स्पष्ट करत निवडणुकीच्या रिंगणात उतरण्याचा निर्णय जाहीर केला आहे.
सलग तीन वेळा चेअरमन..
बंडू करे हे नंदेश्वर येथील कोंडीराम पतसंस्थेचे सलग तीन वेळा चेअरमन राहिले असून, संस्थेच्या माध्यमातून त्यांनी शेतकरी व सर्वसामान्यांच्या हितासाठी भरीव कार्य केले आहे. याशिवाय, ते ऊस वाहतूक ठेकेदार संघटनेचे जिल्हा कार्याध्यक्ष म्हणूनही कार्यरत राहिले आहेत. या कार्यकाळात त्यांनी अनेक शेतकऱ्यांना आणि ऊसतोड मजुरांना न्याय मिळवून दिला आहे. भोसे पंचायत समिती गणात येणाऱ्या सर्वच गावांमध्ये बंडू करे यांचा मजबूत जनसंपर्क आहे.
ऐनवेळी अपक्ष लढण्याची तयारी…
प्रमुख गटांपैकी कुणी उमेदवारी दिल्यास मी त्या गटाकडून निवडणूक लढविण्यास तयार आहे. मात्र, जर माझ्या कार्याची दखल न घेता उमेदवारी नाकारली गेली, तर मी अपक्ष उमेदवार म्हणून निवडणुकीच्या रिंगणात उतरणार आहे,” असे स्पष्ट शब्दांत बंडू करे यांनी सांगितले.
