सोलापूर आजतक न्यूज नेटवर्क..
मंगळवेढा तालुक्यातील चार जिल्हा परिषद गटापैकी भोसे जिल्हा परिषद गट राष्ट्रवादी काँग्रेस पक्षाला मिळावा अशी मागणी राष्ट्रवादी काँग्रेस पक्षाचे कार्यकारी जिल्हाध्यक्ष रामेश्वर मासाळ यांनी केली आहे. विधानसभेला आम्ही महायुतीचा धर्म पाळला भाजपने देखील स्थानिक स्वराज्य संस्थांमध्ये महायुतीचा धर्म पाळत भोसे जिल्हा परिषद गट राष्ट्रवादी पक्षाला द्यावा अन्यथा आम्ही स्वबळावर लढू असा इशाराही मासाळ यांनी दिला आहे. नंदेश्वर ता.मंगळवेढा येथे कार्यकर्त्यांशी संवाद साधताना ते बोलत होते.
विधानसभेला राष्ट्रवादीने केले प्रामाणिक काम…
यावेळी बोलताना रामेश्वर मासाळ म्हणाले की, विधानसभा निवडणुकीत आम्ही महायुतीचा धर्म पाळला आहे. जिथे जिथे शक्य आहे तिथे राष्ट्रवादी काँग्रेस पक्ष प्रचारात सर्वात पुढे सहभागी होऊन आम्ही निर्णायक आघाडी दिली आहे. त्यामुळे भाजपने आता स्थानिक स्वराज्य संस्था निवडणुकांमध्ये राष्ट्रवादी काँग्रेस पक्षाला भोसे जिल्हा परिषद गट देऊन महायुतीचा धर्म पाळावा. अन्यथा, मंगळवेढा तालुक्यातील चारही जिल्हा परिषद गट आणि आणि आठ पंचायत समिती गणात राष्ट्रवादी काँग्रेस पक्ष स्वबळावर लढेल.
कार्यकर्त्यांचा आग्रह..
दरम्यान, भोसे जिल्हा परिषद गटातील अनेक गावातील कार्यकर्त्यांनी रामेश्वर मासाळ यांनी भोसे जिल्हा परिषद गटामधून निवडणूक लढवावी असे आग्रही मागणी केली आहे. तसेच अनेक गावातील व्हाट्सअप ग्रुपवर रामेश्वर मासाळ यांच्या नावाची चर्चा होत आहे.
