भोसे | प्रतिनिधी : भोसे जिल्हा परिषद गटाचे भारतीय जनता पक्षाचे उमेदवार प्रदीप खांडेकर यांना सर्व स्तरातून मोठ्या प्रमाणावर पाठिंबा वाढत असल्याचे चित्र सध्या स्पष्ट होत आहे. गटातील सर्वच गावांमधून त्यांना उत्स्फूर्त प्रतिसाद मिळत असून, त्यामुळे निवडणूक लढतीत त्यांचे पारडे सध्या जड झाल्याचे बोलले जात आहे. लोणार, मानेवाडी, रेवेवाडी, पडोळकरवाडी आदी गावांमधील ज्येष्ठ नेतेमंडळी, कार्यकर्ते तसेच नागरिकांनी नुकताच मोठ्या संख्येने प्रदीप खांडेकर यांना जाहीर पाठिंबा दिला. विविध समाजघटकांतील नागरिक त्यांच्या प्रचारात सक्रिय सहभाग घेत असल्याने भाजप कार्यकर्त्यांमध्येही उत्साहाचे वातावरण निर्माण झाले आहे.
स्थानिक पातळीवरील विकासकामांचा अनुभव, सातत्याने जनतेशी असलेला संपर्क आणि सर्वसामान्यांच्या प्रश्नांसाठी केलेले प्रयत्न यामुळे खांडेकर यांच्याबाबत मतदारांमध्ये सकारात्मक वातावरण निर्माण झाले आहे. पाणीपुरवठा, रस्ते, वीज, शिक्षण, आरोग्य आदी मूलभूत सुविधांच्या प्रश्नांवर त्यांनी कायम लक्ष दिल्याचे मतदारांकडून सांगितले जात आहे. याशिवाय भोसे जिल्हा परिषद गटातील उर्वरित गावांमधूनही मोठ्या प्रमाणावर प्रदीप खांडेकर यांना पाठिंबा मिळत असल्याचे चित्र सध्या दिसून येत आहे. विविध गावांमध्ये होत असलेल्या बैठका, प्रचार फेऱ्या आणि नागरिकांशी थेट संवाद यामुळे भाजपचा प्रचार अधिक प्रभावी ठरत आहे.
प्रदीप खांडेकर यांनी मिळणाऱ्या पाठिंब्याबद्दल समाधान व्यक्त करताना सांगितले की, जनतेने दाखवलेला विश्वास मी विकासकामांच्या माध्यमातून सार्थ ठरविण्याचा प्रामाणिक प्रयत्न करणार आहे. भोसे जिल्हा परिषद गटाचा सर्वांगीण विकास हेच माझे प्रमुख ध्येय असून, सर्वसामान्य नागरिकांचे प्रश्न सोडवण्यासाठी सातत्याने काम करत राहीन, असेही त्यांनी यावेळी नमूद केले. एकूणच भोसे जिल्हा परिषद गटात भाजप उमेदवार प्रदीप खांडेकर यांना मिळणारा वाढता पाठिंबा लक्षवेधी ठरत असून, निवडणूक वातावरणात त्यांच्या विजयाबाबत चर्चांना उधाण आले आहे.
