जत विशेष प्रतिनिधी…
जत तालुक्यातील आरोग्यसेवेच्या क्षेत्रात आदर्श निर्माण करणारे जीवन हॉस्पिटल, जत यांनी आपला सोळावा वर्धापन दिन साजरा करताना सलग सोळा वर्षे अविरतपणे रुग्णसेवा देत असलेल्या या संस्थेने आरोग्यसेवेचा नवा मापदंड निर्माण केला आहे.
रुग्णसेवा हीच ईश्वर सेवा…
जीवन हॉस्पिटलचे सर्वेसर्वा डॉ. विवेकानंद राऊत यांनी स्थापनेपासूनच “रुग्णसेवा हीच ईश्वर सेवा” या तत्त्वाचा अंगीकार करून कार्याची दिशा ठरवली. त्यांच्या सेवाभावी वृत्तीमुळे आणि उत्कृष्ट वैद्यकीय कौशल्यामुळे आज जीवन हॉस्पिटल हे जत परिसरातील विश्वासाचं प्रतीक बनलं आहे.
दर्जेदार आरोग्यसेवा..
रुग्णांच्या उपचारासोबतच त्यांच्या मानसिक आधारावरही डॉ. राऊत विशेष लक्ष केंद्रित करतात. आधुनिक वैद्यकीय सुविधा, अत्याधुनिक साधनसामग्री आणि प्रशिक्षित कर्मचाऱ्यांचा कार्यसंघ यांच्या साहाय्याने हॉस्पिटलने ग्रामीण भागात दर्जेदार आरोग्यसेवा पोहोचवली आहे.
रुग्णांच्या चेहऱ्यावरचा आनंद हा आमच्यासाठी सर्वात मोठा पुरस्कार – डॉ. विवेकानंद राऊत
गेल्या सोळा वर्षांच्या प्रवासात अनेक रुग्णांना नवजीवन देण्याचं कार्य या हॉस्पिटलने केलं आहे. शस्त्रक्रिया, आपत्कालीन उपचार, तसेच विविध आरोग्य शिबिरांद्वारे समाजसेवा अशी अनेक क्षेत्रे जीवन हॉस्पिटलने गाठली आहेत.
वर्धापन दिनानिमित्त डॉ. राऊत यांनी सांगितले की, रुग्णांच्या चेहऱ्यावरचा आनंद हा आमच्यासाठी सर्वात मोठा पुरस्कार आहे. समाजाने दिलेल्या विश्वासामुळेच आज आम्ही या टप्प्यावर आलो आहोत. आज जीवन हॉस्पिटल म्हणजे केवळ उपचाराचे ठिकाण नाही, तर सेवाभाव, विश्वास आणि गुणवत्तेचे प्रतीक बनले आहे.
