सोलापूर आजतक न्यूज नेटवर्क:
मंगळवेढा तालुक्यातील जुनोनी गावचा भूमिपुत्र बाबु सखाराम डांगे याला गोवा आणि साउथ महाराष्ट्राचा राष्ट्रीय पुरस्कार मिळाला आहे. पिडिलाइट डॉ.फिक्सिट इंडिया कंपनीचा २०२३-२४ चा राष्ट्रीय पुरस्कार मिळाला आहे. डॉ.फिक्सिट ही कंपनी वाॅटर प्रुफिंग क्षेत्रात काम करीत आहे. उत्तम दर्जाचे काम करणाऱ्यांना हा पुरस्कार दरवर्षी दिला जातो. बाबु डांगे यांनी केलेल्या उत्तम दर्जाच्या कामामुळे त्यांना हा पुरस्कार दिला आहे. मलेशिया येथील इंटर कॉन्टिनेन्टल या फाईव्ह स्टार हाॅटेल येथे झालेल्या भव्यदिव्य कार्यक्रमात बाबु डांगे यांना या पुरस्काराने सन्मानित करण्यात आले. यावेळी लोकेश पायगुडे, किरण शिरसाट, पांडुरंग रांजणकर,शाम मेमन,संजीव लोबा,युवराज केदार,अनिल संजय शेट्टे हे उपस्थित होते.
प्रतिकुल परिस्थितीवर मात करणारा संघर्षयात्री…
मंगळवेढा तालुक्यातील जुनोनी या अतिशय छोट्या गावात जन्म घेतलेल्या बाबु डांगे याने दहा वर्षांपूर्वी गावातील प्रतिकूल परिस्थितीवर मात करण्यासाठी गोवा येथे काम करण्यासाठी गेला होता. काम करण्यासाठी गेलेल्या बाबु डांगे याने गोव्यातील राज्यस्तरीय पुरस्कार मिळविल्यामुळे त्याच्यावर अभिनंदनाचा वर्षाव होत आहे.
