सोलापूर आजतक न्यूज नेटवर्क
नंदेश्वर येथील धनश्री महिला पतसंस्था शाखेत संस्थेच्या नव्या दिनदर्शिकेचे प्रकाशन उत्साहात पार पडले. या दिनदर्शिकेचे प्रकाशन धनश्री मल्टीस्टेटचे संचालक रामभाऊ बंडगर यांच्या हस्ते करण्यात आले. यावेळी धनश्री महिला पतसंस्था नंदेश्वर शाखेचे व्यवस्थापक ज्ञानेश्वर फटे हे प्रमुख उपस्थित होते.
दिनदर्शिकेच्या माध्यमातून संस्थेचे मूल्ये उपक्रम आणि मार्गदर्शक माहिती सर्वसामान्यांपर्यंत पोहोचते – रामभाऊ बंडगर
कार्यक्रमात बोलताना रामभाऊ बंडगर यांनी धनश्री महिला पतसंस्थेच्या सामाजिक व आर्थिक योगदानाचा आढावा घेतला. धनश्री परिवाराचे प्रमुख प्रा. शिवाजीराव काळुंगे आणि धनश्री महिला पतसंस्थेच्या चेअरमन शोभा काळुंगे यांच्या मार्गदर्शनाखाली महिलांना आर्थिकदृष्ट्या सक्षम करण्यासाठी संस्था सातत्याने कार्यरत असून, दिनदर्शिकेमधून संस्थेची मूल्ये, उपक्रम आणि मार्गदर्शक माहिती सर्वसामान्यांपर्यंत पोहोचेल, असे त्यांनी नमूद केले.
मान्यवरांची उपस्थिती
व्यवस्थापक ज्ञानेश्वर फटे यांनी शाखेच्या वतीने उपस्थितांचे आभार मानले व नंदेश्वर परिसरात संस्थेच्या सेवांचा लाभ अधिकाधिक महिलांपर्यंत पोहोचवण्याचा संकल्प व्यक्त केला. यावेळी रामभाऊ कोपे, शिवसेना महिला आघाडीच्या माजी तालुकाप्रमुख सुशीला सलगर, संजय भोसले, संतोष बंडगर, विक्रम कांबळे यांचेसह ज्योतीराम सावंत,सोमनाथ लवटे, भाग्यश्री लाड, सुजाता मेटकरी, मनीषा भोसले यांचेसह स्थानिक नागरिक मोठ्या संख्येने उपस्थित होते. कार्यक्रम यशस्वीरीत्या पार पडल्याबद्दल उपस्थितांनी समाधान व्यक्त केले.
