सोलापूर आजतक न्यूज नेटवर्क !
मंगळवेढा तालुका खरेदी-विक्री संघाचे चेअरमन, श्री. संत दामाजी सहकारी साखर कारखान्याचे संचालक सिद्धेश्वर आवताडे यांच्या वाढदिवसानिमित्त नंदेश्वर मधील युवक नेते गणेश जोरवर व विविध क्षेत्रात कार्यरत असलेली त्यांची संपूर्ण युवक टीम त्यामध्ये आप्पासो रुपनर, बापू करे, प्रविण पाटील, भारत कळकुंबे, कैलास लोहार, विठ्ठल जोरवर, प्रताप परीट, समाधान मोटे, महावीर लवटे, दादा जोरवर, सुरज शेटे, डॉ. भैय्या मणेरी यांनी जिल्हा परिषद प्राथमिक केंद्र शाळा नंदेश्वर येथील सर्व विद्यार्थ्यांना खाऊचे वाटप केले.
गुणवत्तेला प्राधान्य देणाऱ्या जि.प.केंद्र शाळेला नेहमी सहकार्य करू – गणेश जोरवर
आजकाल सगळीकडे वाढदिवसानिमित्त अनावश्यक खर्च करत असतात परंतु या सर्व अनावश्यक खर्चाला फाटा देऊन एक विधायक व स्तुत्य उपक्रम राबवून लहान मुलांच्या चेहऱ्यावर आनंद व हास्य निर्माण करण्याचे कार्य केले. यावेळी मनोगत व्यक्त करताना गणेश जोरवर यांनी शाळेत राबविलेल्या विविध उपक्रमांचे,विद्यार्थ्यांच्या गुणवत्तेचे, नेहमीच सहकार्याची भावना ठेवणाऱ्या शिक्षकांचे कौतुक करून आभार मानले. तसेच जिल्हा परिषद शाळेसाठी भविष्यात येणाऱ्या कोणत्याही अडचणीसाठी आपण स्वतः व आपला मित्र परिवार शाळेतील विद्यार्थी व शिक्षकांच्या पाठीशी खंबीरपणे उभे राहू. अशी ग्वाही त्यांनी दिली.यावेळी शाळेचे मुख्याध्यापक व सर्व शिक्षकवृंद यांची उपस्थिती होती.
