ऑपरेशन सिंदूरची खा.प्रणितीताईंनी पोलखोल केल्यानंतर भाजपच्या बुडाखाली जाळ लागला – ॲड.राहुल घुले
(टीम सोलापूर आजतक)
खा. प्रणिती शिंदे यांनी लोकसभेमध्ये भाजपचा खोट्या देशप्रेमाचा आणि हिंदुत्वाचा बुरखा टराटरा फाडला. त्यामुळे भाजप पदाधिकाऱ्यांच्या बुडाखाली जाळ लागला. खा.शिंदे यांना बदनाम करण्यासाठी जे आंदोलन केले आहे त्याचा निषेध म्हणून मंगळवेढामध्ये प्रति आंदोलन करण्यात येत आहे. गेल्या दहा वर्षात भाजपचे खासदार बिळात जाऊन बसले होते. खासदार प्रणितीताई सोलापूर जिल्ह्याचा बुलंद आवाज बनून लोकसभा गाजवत आहेत. सर्वसामान्यांच्या प्रश्नांसाठी व तसेच दबाव टाकणाऱ्या भाजपच्या विरोधात छातीठोकपणे बोलणाऱ्या खासदार प्रणितीताईंचा आम्हाला गर्व आहे असेही यावेळी बोलताना ॲड. राहुल घुले म्हणाले.
प्रणितीताई शिंदे यांनी लोकसभेमध्ये ऑपरेशन सिंदूर बाबत प्रश्न विचारात भाजप सरकारची कोंडी करत सरकारला चांगलेच धारेवर धरल्यानंतर मंगळवेढा भाजपच्या पदाधिकाऱ्यांनी प्रणिती ताई विरुद्ध घोषणा देत दामाजी चौक या ठिकाणी आंदोलन करण्यात आले. या आंदोलनाचा निषेध म्हणून काँग्रेसच्या शहर व तालुका पदाधिकाऱ्यांनी खा.प्रणिती शिंदे यांच्या प्रतिमेस दुग्धाभिषेक घालून ताईच्या जयजयकाराच्या घोषणा देऊन दामाजी चौक दणाणून सोडला.
यावेळी सोलापूर जिल्ह्याचे कार्याध्यक्ष नंदकुमार पवार, मतदारसंघाचे अध्यक्ष मारुती बापू वाकडे, तालुकाध्यक्ष प्रशांत साळे,मंगळवेढा तालुका युवकचे अध्यक्ष रविकिरण कोळेकर, सिद्धेश्वर धसाडे, आयेशा शेख, पंडित पाटील, मुबारक शेख, गणेश धोत्रे, बापू अवघडे, सुनिता अवघडे, शहाजी कांबळे, ज्ञानेश्वर सोरडीकर, पांडुरंग माळी, नाथा ऐवळे, अमिना पटेल, जगन्नाथ बोराडे, महिबूब मुजावर, शशी कोळी, संगाप्‍पा घोडके,अप्पू भोरकडे, सूर्यकांत जाधव बाळासाहेब जाधव, शहाजहान पटेल ,संतोष क्षिरसागर, विठ्ठल यादव, सैफन शेख,सत्तार इनामदार, आधी पदाधिकाऱ्यासह अनेक कार्यकर्ते उपस्थित होते.
