महाराष्ट्र नवनिर्माण सेनेच्या तालुकाध्यक्षपदी धनाजी गडदे
नंदेश्वर/ प्रतिनिधी
महाराष्ट्र नवनिर्माण सेनेचे मंगळवेढा तालुका अध्यक्षपदी दक्षिण भागातील नंदेश्वर ता.मंगळवेढा येथील युवक नेते धनाजी गडदे यांची निवड करण्यात आली आहे. मनसे नेते दिलीप धोत्रे यांच्या हस्ते धनाजी गडदे यांना निवडीचे पत्र देण्यात आले. यावेळी मनसेचे सोलापूर जिल्ह्यातील पदाधिकारी मोठ्या संख्येने उपस्थित होते. महाराष्ट्र नवनिर्माण सेनेच्या पंढरपूर-मंगळवेढा विधानसभा मतदारसंघातील प्रमुख पदाधिकाऱ्यांची बैठक मनसे नेते दिलीप बापू धोत्रे यांच्या प्रमुख उपस्थित रविवारी मंगळवेढा येथील लक्ष्मीनारायण मंगल कार्यालय येथे पार पडली.
धनाजी गडदे यांनी याआधी राष्ट्रीय समाज पक्षाच्या तालुकाध्यक्ष पदावर सलग दहा वर्षे काम केले आहे. याशिवाय भाजपा ओबीसी मोर्चाच्या तालुकाध्यक्ष पदी तीन वर्ष काम पाहिले आहे. राष्ट्रीय समाज पक्षाच्या तालुका अध्यक्षपदी विराजमान झाल्यानंतर त्या काळात नवीन पक्ष असणाऱ्या रासपाला धनाजी गडदे यांनी मोठ्या प्रमाणावर न्याय दिला होता. गावोगावी रासपचे कार्यकर्ते तयार केले होते. त्यानंतर भाजपा ओबीसी मोर्चाच्या तालुकाध्यक्षपदी देखील त्यांचे काम वाखाणण्याजोगे होते. त्यांच्या या सर्व कामाची दखल घेऊन गडदे यांना महाराष्ट्र नवनिर्माण सेनेच्या तालुकाध्यक्षपदी संधी देण्यात आली आहे.
व्यासपीठावर मनसेचे जिल्हाध्यक्ष प्रशांत गिड्डे, समन्वयक नारायण गोवे, उपजिल्हाध्यक्ष चंद्रकांत पवार, पंढरपूर तालुकाध्यक्ष शशिकांत पाटील,सांगोला तालुकाध्यक्ष अनिल केदार, विधानसभा अध्यक्ष अनिल बागल, शहराध्यक्ष संतोष कवडे, संघटक गणेश पिंपळनेरकर, विद्यार्थी सेनेचे शहराध्यक्ष अवधूत गडकरी व उप शहराध्यक्ष प्रदीप परचंडे,उप तालुकाअध्यक्ष कृष्णा ताड इत्यादी उपस्थित होते.
चौकट
सत्तेत सहभागी होऊन कार्यकर्त्यांची जनतेची कामे करण्यापेक्षा विरोधी पक्षात राहून कामे जलद होतात हा आमचा आजपर्यंतचा अनुभव आहे. म्हणून मी महाराष्ट्र नवनिर्माण सेनेत प्रवेश केला आहे. यापुढे कडवट विरोधी पक्ष कसा असतो आम्ही सत्ताधाऱ्यांना दाखवून देवु.
धनाजी गडदे
तालुकाध्यक्ष महाराष्ट्र नवनिर्माण सेना
