मंगळवेढा / तालुका प्रतिनिधी
राष्ट्रवादी काँग्रेस पक्षाचे प्रदेशाध्यक्ष खा.सुनील तटकरे यांच्या मान्यतेने सोलापूर जिल्हा राष्ट्रवादी काँग्रेसचे जिल्हाध्यक्ष उमेश पाटील यांनी जिल्हा कार्यकारी अध्यक्ष रामेश्वर मासाळ यांची मंगळवेढा, सांगोला व पंढरपूर या तालुक्यांसाठी आगामी जिल्हा परिषद व पंचायत समितीच्या निवडणूक प्रभारी म्हणून नियुक्ती जाहीर केली आहे.
सोलापूर जिल्ह्यातील जिल्हा परिषद व पंचायत समितीच्या आगामी सार्वत्रिक निवडणुका यशस्वीरित्या पार पाडण्यासाठी ही जबाबदारी देण्यात आली आहे. राष्ट्रीय अध्यक्ष ना.अजित पवार यांच्या विचारधारेनुसार मासाळ यांनी आपली जबाबदारी निष्ठेने व निःपक्षपातीपणे पार पाडावी, अशी अपेक्षा व्यक्त करण्यात आल्याचे पत्र रामेश्वर मासाळ यांना सुपूर्द करण्यात आले आहे. ही नियुक्ती तात्काळ कार्यान्वित करण्यात येत असल्याची माहिती पक्षाच्या वतीने देण्यात आली आहे.
