सोलापूर आजतक न्यूज नेटवर्क, नंदेश्वर | 2 ऑक्टोबर 2025
नंदेश्वर (ता. मंगळवेढा) येथे खवय्यांसाठी एक नवे ठिकाण उभे राहत आहे. “हॉटेल दोस्ती ढाबा” या नव्या हॉटेलचे आज गुरुवार, 2 ऑक्टोबर रोजी सकाळी 11.10 वाजता भव्य उद्घाटन होणार आहे. या उद्घाटन सोहळ्याला राजकीय, सामाजिक आणि औद्योगिक क्षेत्रातील अनेक मान्यवरांची उपस्थिती लाभणार आहे.
उद्घाटन प्रसंगी प्रमुख पाहुणे म्हणून पंढरपूर-मंगळवेढा विधानसभा मतदारसंघाचे आमदार समाधान आवताडे, भैरवनाथ शुगर उद्योग समूहाचे व्हा. चेअरमन अनिल सावंत, श्री बाळकृष्ण माऊली मठाचे मठाधिपती बाळासाहेब महाराज, नंदेश्वर ग्रामपंचायतीच्या सरपंच सौ. सजाबाई गरंडे, उपसरपंच आनंदा पाटील, विविध पक्षांचे नेते, संस्थांचे पदाधिकारी आणि अनेक मान्यवर उपस्थित राहणार आहेत.
हॉटेलचे वैशिष्ट्य..
हॉटेलचे मालक युवराज बंडगर यांनी दिलेल्या माहितीनुसार, नंदेश्वर गावापासून सुमारे एक किलोमीटर अंतरावर, नंदेश्वर-भोसे रस्त्यालगत हे हॉटेल सुरू होत आहे. खवय्यांची खास पसंती लक्षात घेऊन आणि अन्नाची शुद्धता जपत उत्तम भोजनाची व्यवस्था करण्यात आली आहे. पारंपरिक ढाबा पद्धतीचा अनुभव देतानाच आधुनिक सोयी-सुविधाही येथे उपलब्ध असतील.
आई-वडील, चुलता चुलतींच्या उद्घाटन..
युवराज बंडगर यांनी सांगितले, हा क्षण माझ्यासाठी खास आहे कारण माझ्या यशामागे कुटुंबीयांचा मोठा हात आहे. आई-वडीलांनी लहानपणापासून दिलेल्या संस्कारामुळेच आज मी हे पाऊल उचलू शकलो. त्यामुळे माझ्या व्यवसायाचे उद्घाटन माझे आईवडील आणि चुलता-चुलती यांचे हस्ते करण्याचा निर्णय घेतला.
