सोलापूर आजतक न्यूज नेटवर्क :
भाजपा युवा मोर्चाच्या मंगळवेढा ( दक्षिण ग्रामीण मंडल) तालुकाध्यक्षपदी आकाश डांगे यांची नियुक्ती करण्यात आली आहे. आमदार समाधान आवताडे यांच्या शिफारशीनुसार ही निवड करण्यात आली असून डांगे हे आमदार आवताडे यांचे कट्टर समर्थक म्हणून ओळखले जातात. भाजपचे जिल्हाध्यक्ष शशिकांत चव्हाण, माजी सभापती सोमनाथ अवताडे, तालुकाध्यक्ष अंबादास कुलकर्णी यांचे प्रमुख उपस्थितीत आकाश डांगे यांना निवडीचे पत्र देण्यात आले.
आकाश डांगे यांनी यापूर्वी महाराष्ट्र राज्य दूध उत्पादक समितीवर सदस्य म्हणून काम पाहिले आहे. तसेच नंदेश्वर विकास सेवा सोसायटीचे व्हाईस चेअरमन म्हणूनही त्यांनी सलग पाच वर्षे यशस्वीपणे कार्य केले आहे. तसेच डांगे यांनी अनेक गोरगरीब रुग्णांना शासकीय योजनांचा लाभ मिळवून दिला आहे. नुकताच एका दुर्धर आजाराने पीडित असलेल्या लहान मुलीला मदत मिळवून देण्यात त्यांचा मोठा वाटा राहिला आहे.
भारतीय जनता पार्टीची मूल्यं व आमदार समाधान आवताडे यांचे जनसामान्यांसाठीचे कार्य हे तालुक्यातील तरुणांपर्यंत पोहोचवण्यात डांगे नेहमी अग्रेसर राहिले आहेत. त्यांच्या या निवडीमुळे तालुक्यातील युवा कार्यकर्त्यांमध्ये नवचैतन्य निर्माण झाले आहे. आकाश डांगे यांचे सर्वोच्च स्तरातून अभिनंदन होत आहे.
