भोसे / विशेष प्रतिनिधी : भोसे जिल्हा परिषद गटात भारतीय जनता पक्षाची ताकद दिवसेंदिवस वाढत चालली असून, मंगळवेढा तालुक्याचे प्रभावी नेते बबनराव अवताडे यांनी भाजपच्या उमेदवारांना जाहीर पाठिंबा दिल्यामुळे या गटातील राजकीय समीकरणे पूर्णतः बदलली आहेत. जिल्हा परिषद उमेदवार प्रदीप खांडेकर,भोसे पंचायत समिती गणातील उमेदवार आप्पासो निकम तसेच रड्डे पंचायत समिती गणातील उमेदवार दत्तात्रय कांबळे यांना बबनराव आवताडे गटाचा पाठिंबा मिळाल्याने भाजपचे पारडे स्पष्टपणे जड झाले आहे.
बबनराव अवताडे हे मंगळवेढा तालुक्यातील एक वजनदार नेतृत्व मानले जाते. त्यांच्या निर्णयाचा मोठा प्रभाव स्थानिक राजकारणावर पडतो. त्यांनी भाजपच्या उमेदवारांना दिलेल्या पाठिंब्यामुळे कार्यकर्त्यांमध्ये नवचैतन्य निर्माण झाले असून, गावोगावी भाजपच्या प्रचाराला अधिक गती मिळत आहे.भोसे जिल्हा परिषद गटात भाजपच्या उमेदवारांना विविध स्तरांतून वाढता प्रतिसाद मिळत असून, सामान्य मतदारांपासून ते स्थानिक कार्यकर्त्यांपर्यंत सकारात्मक वातावरण निर्माण झाले आहे. विकासकामांचा ठोस अजेंडा, संघटनात्मक ताकद आणि अनुभवी नेतृत्व यामुळे भाजपच्या उमेदवारांकडे मतदारांचा कल वाढत असल्याचे चित्र सध्या दिसून येत आहे.
या गटात भाजपच्या उमेदवारांना मिळणारा पाठिंबा दिवसेंदिवस वाढत चालल्याने भाजपचा विजय जवळपास निश्चित असल्याची चर्चा मतदारांमध्ये रंगू लागली आहे. विरोधी गटांची धावपळ वाढली असली, तरी सध्याची राजकीय परिस्थिती पाहता भोसे जिल्हा परिषद गटात भाजपला मोठे यश मिळण्याची दाट शक्यता व्यक्त केली जात आहे. आगामी काळात प्रचाराची तीव्रता आणखी वाढणार असून, बबनराव अवताडेंच्या सक्रिय सहभागामुळे भाजपची आघाडी अधिक मजबूत होत जाणार, अशी अपेक्षा राजकीय वर्तुळात व्यक्त होत आहे.
