नंदेश्वर /प्रतिनिधी
मंगळवेढा तालुक्याचे सुपुत्र वैभव जानकर हे ४०व्या सहाय्यक प्राध्यापक पदासाठी राज्यस्तरीय पात्रता परीक्षा (सेट – २०२५ ) राज्यशास्त्र विषयातून उत्तीर्ण झाले आहेत. त्यांनी मिळवलेल्या यशामुळे त्यांचे सर्व स्तरातून अभिनंदन होत आहे. वैभव जानकर यांचे प्राथमिक शिक्षण शिरनांदगी व भोसे येथे झाले. माध्यमिक शिक्षण भैरवनाथ विद्यालय शिरनांदगी येथे झाले.उच्च माध्यमिक शिक्षण श्री संत दामाजी महाविद्यालय मंगळवेढा येथे झाले. महाविद्यालय शिक्षण राजाराम कॉलेज कोल्हापूर येथून झाले आहे. एम.ए राज्यशास्त्र शिवाजी विद्यापीठ कोल्हापूर येथून झाले आहे. तसेच शिवाजी विद्यापीठ राज्यशास्त्र विभाग येथून पीएचडी पदवी सुरू आहे.
