नंदेश्वर (प्रतिनिधी) जिल्हा परिषद प्राथमिक केंद्र शाळा नंदेश्वर या प्रशालेने केंद्रस्तरीय क्रीडा स्पर्धेमध्ये नेत्र दीपक असे यश मिळविले आहे. लंगडी लहान गट मुले प्रथम क्रमांक, धावणे शंभर मीटर मुली तेजस्विनी पोपट बंडगर प्रथम क्रमांक, धावणे दोनशे मीटर मुली तेजस्विनी पोपट बंडगर प्रथम क्रमांक, धावणे शंभर मीटर मुले समर्थ प्रकाश गोरे प्रथम क्रमांक, धावणे दोनशे मीटर मुले समर्थ प्रकाश गोरे द्वितीय क्रमांक या सर्व विद्यार्थ्यांनी यश मिळविले आहे.
शालेय व्यवस्थापन समिती आणि नंदेश्वर ग्रामस्थांच्या वतीने सर्व यशस्वी विद्यार्थ्यांचा सत्कार करण्यात आला. यावेळी शालेय व्यवस्थापन समितीचे अध्यक्ष दामाजी सलगर, उपाध्यक्ष वैभव हजारे, नाथाजी मेटकरी सदस्य पोपट बंडगर, प्रशांत कसबे, प्रताप परीट, प्रकाश गोरे यांचेसह मुख्याध्यापक प्रदीप पाटील, सहशिक्षक अशोक मासाळ, बाळासाहेब मासाळ, बाळासाहेब मोरे, दादासाहेब इंगोले, सचिन लाळे, सुशेन क्षीरसागर हे यावेळी उपस्थित होते. यशस्वी विद्यार्थी व मार्गदर्शक शिक्षकांचे सर्व स्तरातून अभिनंदन होत आहे.
