नंदेश्वर/ प्रतिनिधी
पंढरपूर-मंगळवेढा विधानसभा मतदार संघाच्या इतिहासात सर्वसामान्यांशी नाळ जुळलेला आणि विकासप्रिय असा लोकप्रतिनिधी म्हणून आमदार समाधान आवताडे यांच्या रूपाने प्रथमच लाभला आहे. विकासाची गंगा अविरतपणे वाहण्यासाठी आमदार समाधान आवताडे यांच्या पाठीशी राहून त्यांना भरघोस मताने निवडून देणे गरजेचे आहे असे प्रतिपादन सामाजिक कार्यकर्त्या, तनिष आयकॉन सोसायटीच्या चेअरमन रुक्मिणी दोलतडे यांनी केले आहे.
यावेळी बोलताना दोलतडे म्हणाल्या की, आमदार अवताडे यांना एकूण साडेतीन वर्षाचा कालावधी लाभला. यामध्ये एक वर्ष कोरोनामध्ये गेले उरलेल्या अडीच वर्षात सुमारे तीन हजार कोटींची विकास कामे मतदार संघात आणून आवताडे यांनी विक्रम रचला आहे. आपल्या मतदारसंघाचे आधीचे लोकप्रतिनिधी जी आपल्याला स्वप्ने दाखवत होती ती स्वप्ने आमदार आवताडे यांनी अडीच वर्षाच्या कालावधीत पूर्ण करत आणली आहेत. स्वतःच्या कन्स्ट्रक्शनच्या व्यवसायाची व्याप्ती एवढी वाढली आहे की येणाऱ्या दहा-वीस पिढ्या सुद्धा त्यांच्या अत्यंत आनंदात जगणार आहेत. त्यामुळे आमदार अवताडे यांना आमदार होऊन त्यामध्ये इतर लोकप्रतिनिधींसारखे घोटाळे करून पैसे मिळवण्याची गरज नाही. ते फक्त जनतेच्या सेवेसाठी आमदार होत आहेत. अशा या माणसाला आपण भरभरून सहकार्य करणे गरजेचे आहे.
इतर कोणत्याही भूलथापांना बळी न पडता जो माणूस आपल्यासाठी रात्रंदिवस लढतो आहे त्याच्या पाठीशी राहणे गरजेचे आहे असे प्रतिपादन यावेळी बोलताना दोलतडे यांनी केले आहे.
