(टीम सोलापूर आजतक)
बाणेगाव (ता.उ.सोलापूर) या ग्रामपंचायतीमध्ये भ्रष्टाचार झाला म्हणून ग्रामपंचायत सदस्या कीर्ती सचिन चाफाकरंडे आणि सचिनचा चाफाकरंडे यांनी जिल्हाधिकारी कार्यालयासमोर आंदोलन करण्याचा इशारा निवेदनाद्वारे दिला आहे.
ग्रामपंचायत बाणेगांव ता. उत्तर सोलापूर येथे मागील १० वर्षामध्ये खुप मोठ्या प्रमाणात भ्रष्टाचार झालेला आहे. यामध्ये ग्रामसेवक बापुराव हक्के व सरपंच, उपसरपंच यांनी वेळोवेळी १४-१५ व्या वित्त आयोगातून किती निधी आला व तो कुठे खर्च झाला याचा हिशोब मागितला असता टाळाटाळ केली आहे. व तसेच प्रशासन कामामध्ये वेळोवेळी जमा केलेली रॉयल्टीची रक्कम याची माहिती मागितली असता ग्रामसेवक बापूराव हाक्के भाऊसाहेब व सरपंच, उपसरपंच यांनी माहिती देण्यासही टाळाटाळ करून अजतागायत माहिती दिलेली नाही. माहिती व कामाचा हिशोब मागितल्याने मासिक सभा घेत नाहीत व मिटिंग साठी बोलवत नाहीत.
जलजीवन मिशन अभियान पाणीपुरवठामध्ये खुप मोठ्या प्रमाणात घोटाळा झालेला आहे. याची सदर सखोल खातेनिहाय चौकशी व्हावी व पिण्याच्या पाण्याची टाकी मान्यता किती आहे व किती लिटर ची बांधलेली आहे याबावत सखोल चौकशी व्हावी. व गावामध्ये सरपंच, उपसरपंच, ग्रामसेवक यांचा मनमानी कारभार चालू आहे. सदर वरील माहिती न मिळाल्यास आमरण उपोषनास बसणार आहे.
तसेच बाणेगांव ता. उत्तर सोलापूर, या गावामध्ये घाणीचे साम्राज्य पसरलेले आहे. त्यामुळे नागरीकांच्या आरोग्यास धोका निर्माण झालेला आहे. तसेच गावामध्ये सांडपाणी, पावसाचे पाणी याचा व्यवस्थित निचरा होत नाही व गावामध्ये स्मशानभुमी ची ही सुविधा नाही. उघड्यावर अतिमसंस्कार करण्यात येतात याची सोय व्हावी. ह्या समस्याचे प्रशासनाने निवारण करावे यासाठी देखील आम्ही उपोषणास बसत आहोत असा उल्लेख सदर निवेदनामध्ये करण्यात आला आहे.
