नंदेश्वर (प्रतिनिधी) पंढरपूर मंगळवेढा विधानसभा मतदारसंघाचे आमदार समाधान आवताडे यांचे आज वाढदिवसानिमित्त विविध स्तरातून अभिनंदन केले जाईल तसेच त्यांचा मोठ्या प्रमाणावर सत्कार केला जाईल. पण आमदार अवताडे यांना येत्या 23 तारखेला लघुपट दुसऱ्यांदा विधानसभेची पायरी चढण्याची संधी प्राप्त होऊन पंढरपूर आणि मंगळवेढा तालुक्यातील मतदारांच्या वतीने अनोखी भेट मिळणार असल्याची प्रतिक्रिया नंदेश्वर येथील माऊली विकास सेवा सोसायटीचे चेअरमन भारत गरंडे यांनी दिली आहे.
यावेळी बोलताना गरंडे म्हणाले की, आमदार समाधान आवताडे हे एक विकासाभिमुख नेतृत्व आहे. केवळ साडेतीन वर्षाच्या आपल्या आमदारकीच्या कारकिर्दीत पंढरपूर आणि मंगळवेढा या दोन्ही तालुक्यातील गेल्या पन्नास वर्षाचा बॅकलॉग काढला आहे.
मतदार संघातील अशक्य असे अनेक प्रश्न सोडवून त्यांनी मतदारसंघातच नव्हे तर संपूर्ण राज्यात इतिहास रचला आहे. त्यांच्या या सर्वांगीण कामाची पावती मतदारसंघातील सर्वसामान्य मतदारांनी मतपेटीत दिली असून येथे 23 तारखेला आमदार समाधान आवताडे हे सलग दुसऱ्यांदा विधानसभेची पायरी चढणार असून प्रचंड मताधिक्याने ते निवडून येणार आहेत असेही यावेळी बोलताना गरंडे म्हणाले.
