मंगळवेढा / तालुका प्रतिनिधी
मंगळवेढा तालुक्यातील ग्रामीण भागातील कराटेपटूंनी आपल्या मेहनतीच्या जोरावर राष्ट्रीय स्तरावर झेप घेतली असून, त्यांची धडक थेट दिल्ली आणि काशी (वाराणसी)पर्यंत पोहोचली आहे. वाराणसी (काशी) येथे होणाऱ्या १० व्या नॅशनल लेव्हल कराटे स्पर्धेसाठी मंगळवेढा ग्रामीण भागातील २४ खेळाडूंची निवड झाली आहे.
ही निवड मुख्य प्रशिक्षक शिहान शरद कांबळे यांच्या मार्गदर्शनाखाली करण्यात आली आहे. या संघात नंदेश्वर, निंबोनी, भोसे, बावची येथील खेळाडूंचा समावेश असून त्यामध्ये समृद्धी पडोळकर, आराध्या लाड, अलिशा पटेल, कावेरी जाधव, दिव्यता लवटे, वर्षा कोकरे, संगीता माळी, स्वरांजली ढगे, राधिका सांगोलकर, प्रणिती घेरडे, सानिका सांगोलकर, जुवेरिया मुलाणी, संजना ढगे, सोफिया मुलाणी, शेखर वाघमारे, अमन पटेल, शुभम कस्तुरे, स्वप्नील पाटील, सौरभ ढगे, संस्कार घोगरे, अशोक पाटील, कुंदन गायकवाड, अर्णव माने, श्रेयश कोळी यांचा समावेश आहे.
मुलींच्या संघासाठी टीम मॅनेजर म्हणून कविता वाघमारे यांचे मोलाचे सहकार्य लाभले असून, त्यांच्या मार्गदर्शनामुळे संघ व्यवस्थापन अधिक सक्षम झाले आहे. ग्रामीण भागातून राष्ट्रीय स्तरावर निवड होणे ही मंगळवेढा तालुक्यासाठी अभिमानाची बाब असून, या खेळाडूंनी स्पर्धेत उत्तम यश मिळवावे, अशा शुभेच्छांचा वर्षाव पालक, ग्रामस्थ आणि क्रीडाप्रेमींनी केला आहे.
