टीम सोलापूर आजतक
पंढरपूर-मंगळवेढा विधानसभा मतदारसंघाचे महाविकास आघाडीचे अधिकृत उमेदवार अनिल सावंत यांच्या प्रचारासाठी राष्ट्रवादी काँग्रेस शरदचंद्र पवार पक्षाचे प्रदेशाध्यक्ष आ.जयंत पाटील यांची १५ नोव्हेंबर २०२४ रोजी पंढरपूर येथील छत्रपती शिवाजी चौकामध्ये सकाळी ११ वाजता जाहीर सभा होणार असून यासाठी राष्ट्रवादी शरदचंद्र पवार पक्षातील सर्व पदाधिकारी कार्यकर्ते मतदार भगिनी यांनी बहुसंख्येने उपस्थित राहण्याचे आवाहन उमेदवार अनिल सावंत यांच्या वतीने करण्यात आले आहे.
१५ नोव्हेंबर २०२४ रोजी मंगळवेढा येथे खा.निलेश लंके यांची मंगळवेढा शहरातील मारुती पटांगणामध्ये दुपारी २:०० वाजता जाहीर प्रचार सभा होणार असून त्याचप्रमाणे मंगळवेढा तालुक्यातील ग्रामीण भागामध्ये खासदार निलेश लंके यांची भव्य सभा होणार आहे.
यासाठी मंगळवेढा तालुक्यातील सर्व ग्रामीण भागातील रड्डे येथे सायंकाळी 6.00 वा., सायंकाळी 7.00 वा. शिरनांदगी, रात्री 8.00 वा. मारोळी व सायंकाळी 9.00 वा.महमदाबाद या ठिकाणी अनिल सावंत यांचा संपर्क दौरा व पदयात्रा आयोजित करण्यात आली असल्याचे संयोजकांनी सांगितले. पदाधिकारी कार्यकर्ते मतदार भगिनी यांनी उपस्थित राहण्याचे आवाहन उमेदवार अनिल सावंत यांनी केले आहे
