मंगळवेढा / तालुका प्रतिनिधी : भोसे जिल्हा परिषद गटातून भारतीय जनता पार्टीचे अधिकृत उमेदवार तथा पंचायत समितीचे माजी सभापती प्रदीप खांडेकर यांनी आज शक्तीप्रदर्शन करत आपला उमेदवारी अर्ज दाखल केला. या प्रसंगी त्यांच्या समर्थनार्थ भव्य रॅली काढण्यात आली होती.
या रॅलीत परिसरातील अनेक युवकांसह ज्येष्ठ नागरिकांनी मोठ्या उत्साहात सहभाग नोंदवला. भाजपच्या कार्यकर्त्यांमध्ये या निमित्ताने मोठे चैतन्य पाहायला मिळाले. मंगळवेढा तहसील कार्यालयात अर्ज दाखल करताना मंगळवेढा नगरपालिकेचे नगरसेवक सोमनाथ आवताडे, दामाजी कारखान्याचे संचालक तानाजी काकडे, माजी पंचायत समिती सदस्य नितीन पाटील यांचे प्रमुख उपस्थित होती. तसेच भोसे जिल्हा परिषद गटातील सर्व गावांमधील आमदार समाधान आवताडे गटाचे प्रमुख नेते व कार्यकर्ते मोठ्या संख्येने उपस्थित होते.
यावेळी बोलताना प्रदीप खांडेकर सर्वसामान्यांच्या विकासासाठी कटिबद्ध राहण्याचा निर्धार व्यक्त केला. आगामी निवडणुकीत नागरिकांच्या विश्वासावर विजय मिळवू, असा विश्वास त्यांनी व्यक्त केला.
