नंदेश्वर / प्रतिनिधी : नंदेश्वर येथील श्री. बाळकृष्ण विद्यालय व कनिष्ठ महाविद्यालय यांना अभिमान वाटावा अशी आनंदाची आणि प्रेरणादायी बातमी समोर आली आहे. विद्यालयातील होतकरू विद्यार्थी यशवंत आमसिद्ध सासणे याने राष्ट्रीय स्तरावरील एन.एम.एम.एस. (National Means-cum-Merit Scholarship) परीक्षेत 115 गुण मिळवत उल्लेखनीय यश संपादन केले आहे. विशेष म्हणजे, तो ओबीसी प्रवर्गातून शिष्यवृत्तीसाठी पात्र ठरला असून त्याच्या या यशामुळे विद्यालयासह संपूर्ण नंदेश्वर गावाचे नाव उज्ज्वल झाले आहे.
यशवंतच्या या यशामागे त्याची जिद्द, मेहनत आणि चिकाटी तर आहेच, पण त्याला योग्य मार्गदर्शन करणाऱ्या शिक्षकांचेही मोलाचे योगदान आहे. हेंबाडे सर, नागणे सर, रोमन सर, मोटे सर आणि जोशी सर यांनी त्याला वेळोवेळी मार्गदर्शन करून या यशाच्या शिखरापर्यंत पोहोचवले.
या अभूतपूर्व यशाबद्दल श्री बाळकृष्ण शिक्षण संस्था, नंदेश्वर तसेच प्रशालेचे मुख्याध्यापक श्री. विठ्ठल एकमल्ली, सर्व शिक्षक, शिक्षकेतर कर्मचारी आणि ग्रामस्थ यांनी यशवंत व त्याच्या मार्गदर्शक शिक्षकांचे मनःपूर्वक अभिनंदन केले आहे. यशवंतचे हे यश इतर विद्यार्थ्यांसाठी प्रेरणादायी ठरणार असून, भविष्यातही तो अशाच प्रकारे प्रगती करत राहो, अशी सर्वांची अपेक्षा व्यक्त होत आहे.
