(टीम सोलापूर आजतक)
मंगळवेढा तालुक्याच्या दक्षिण भागात असलेल्या नंदेश्वर आणि रड्डे दोन प्रमुख गावांना जोडणारा नंदेश्वर-रड्डे हा रस्ता गेल्या अनेक वर्षांपासून अत्यंत बिघडलेल्या अवस्थेत आहे. हा रस्ता दुरुस्त व्हावा म्हणून दोन्ही गावच्या नागरिकांनी अनेक वेळा अनेक लोकप्रतिनिधींना साकडे घातले आहे. खा. प्रणिती शिंदे यांचेकडे दोन्ही गावच्या नागरिकांनी हात रस्ता दुरुस्त व्हावा यासाठी मागणी केली. यावर खा. शिंदे यांनी तात्काळ ॲक्शन घेत ग्रामसडक योजनेचे अधीक्षक अभियंता यांना नंदेश्वर आणि रड्डे या दोन्ही गावच्या नागरिकांनी माझ्याकडे हा रस्ता दुरुस्त व्हावा यासाठी पाठपुरावा करत निवेदनरुपी अर्ज दिले आहेत. त्यामुळे लवकरात लवकर हा रस्ता मंजूर होऊन या रस्त्याचे काम सुरू होणे गरजेचे आहे आणि तो करावा अशी विनंती केली.
त्यामुळे या दोन्ही गावच्या नागरिकांच्या विनंतीला मान देऊन खासदार शिंदे यांनी ॲक्शन मोडमध्ये येत नागरिकांच्या मागणीला प्रतिसाद दिल्याची चर्चा होत आहे.मंगळवेढा तालुक्याच्या दक्षिण भागातील
नंदेश्वर आणि रड्डे ही दोन मोठी गावे आहेत. नंदेश्वर गावची लोकसंख्या साधारणपणे दहा हजार आणि रड्डे गावची लोकसंख्या साधारणपणे सात हजार असे एकूण १७ हजार लोकसंख्या असलेल्या दोन्ही गावांनी हा रस्ता दुरुस्त होण्यासाठी ग्रामसभेचे ठराव देखील याआधी केले होते.
खासदार प्रणिती शिंदे यांनी मात्र या रस्त्यासाठी पाठपुरावा सुरू केला आहे. दोन्ही गावच्या नागरिकांनी खा.शिंदे यांचे प्रति कृतज्ञता व्यक्त करत हा रस्ता लवकरात लवकर दुरुस्त व्हावा अशी खासदार शिंदे यांच्याकडे मागणी केली आहे. या रस्त्यासाठी काँग्रेसचे प्रदेश सचिव रविकिरण कोळेकर, नंदेश्वर चे माजी ग्रामपंचायत सदस्य गुरुलिंग दोलतडे यांनी मोठा पाठपुरावा केला आहे.
मंगळवेढा तालुक्यातील अनेक कामांसाठी खासदार शिंदे नेहमीच तत्पर….
मंगळवेढा तालुक्याच्या प्रश्नांसाठी खासदार प्रणिती शिंदे या नेहमीच तत्पर राहिल्या आहेत. आम्ही आमच्या तालुक्यातील अनेक प्रश्न खासदार शिंदे यांच्याकडे घेऊन गेल्यानंतर त्या तात्काळ प्रत्येक कामाला झपाटल्यासारख्या पाठपुरावा करतात. लोकसभा निवडणुकीत विजय मिळवल्यानंतर अनेक कामे त्यांनी मार्गी लावली आहेत.
प्रशांत साळे
तालुकाध्यक्ष काँग्रेस कमिटी मंगळवेढा
