नंदेश्वर /प्रतिनिधी
नंदेश्वर ता.मंगळवेढा येथील श्री कोंडीराम महाराज पुण्यतिथी सप्ताह सोहळ्यानिमित्त विविध कार्यक्रमांचे आयोजन करण्यात आल्याची माहिती श्री कोंडीराम महाराज सेवा मंडळाचे विश्वस्त संगमेश्वर नंदेश्वरकर महाराज यांनी दिली आहे. शुक्रवार दि.५ सप्टेंबर ते सोमवार दि.८ सप्टेंबर या चार दिवसांच्या काळात पुण्यतिथी सप्ताह सोहळा संपन्न होणार आहे. शुक्रवार दि.५ रोजी श्री कोंडीराम महाराज मठाचे मठाधिपती श्री तुकाराम महाराज नंदेश्वर कर यांचे हस्ते विना पूजन होऊन पुण्यतिथी सप्ताह सोहळ्यास प्रारंभ होणार आहे. सुरेश कांबळे महाराज आलेगाव आणि राजाराम खडतरे महाराज सांगोला यांचे प्रवचन होईल. हनुमान भजनी मंडळ एकतपुर यांचा हरी जागराचा कार्यक्रम होईल. गजानन खुळे यांचे अन्नदान होईल.
शनिवार दि. ६ रोजी नंदेश्वर येथील भाविक भक्त श्रीक्षेत्र इंचगिरी येथे नामज्योत आणण्यासाठी प्रयाण होतील. संजय मासाळ महाराज यांचे प्रवचन होईल. हनुमान भजनी मंडळ हाजापूर यांचा हरीजागराचा कार्यक्रम होईल. राजाराम मेटकरी, मोहन मेटकरी यांच्या वतीने अन्नदान होईल. रविवार दिनांक ७ रोजी सायंकाळी ठीक चार वाजता श्री कोंडीराम महाराज यांच्या पालखीचे भव्य मिरवणूक निघणार आहे. श्रीधर पाटील आणि श्रीकांत पाटील यांचे प्रवचन होईल. श्रीधर पाटील केरळ ही या दिवशीच्या अन्नदाते असणार आहेत.
सोमवार दिनांक आठ रोजी सकाळी आठ ते नऊ संगीत भजन होईल. सकाळी ८ वा.पासून श्रीक्षेत्र इंचगिरी मठाचे मठाधिपती रेवणसिद्ध महाराज, कोंडीराम महाराज मठाचे मठाधिपती श्री तुकाराम महाराज, अंबन्ना महाराज वळसंग या प्रमुख प्रवचनकारांसहित बजरंग फडतरे महाराज, विवेकानंद आरळी महाराज, दुधगे गुरुजी महाराज, देविदास महाराज, नवनाथ भंडारे महाराज, दत्तात्रय महाराज गुलबर्गा, ईश्वर सागर महाराज, सुभाष बोचरे महाराज, पुरुषोत्तम लवटे महाराज, सुनिता लवटे महाराज तनाळी, अभिमन्यू कांबळे महाराज, शशिकांत शिवनूर महाराज, व्हनमराठे सर महाराज, शिवाजी महाराज तनाळी यांचेही प्रवचन होईल. संपूर्ण सप्ताह काळात महिपती मोरे महाराज हाजापूर, जालिंदर चौगुले महाराज महिम, हरी घाडगे महाराज महिम आणि यानंतर ठीक बारा वाजता पुष्पवृष्टी होऊन महाप्रसादानंतर या पुण्यतिथी सप्ताह सोडण्याची सांगता करण्यात येणार आहे. शेवटच्या दिवशी बसवराज गोलभावे हे अन्नदाते असतील.
