अखिल भारतीय लाड समाज सामाजिक व संशोधन संस्थेच्या तालुकाध्यक्षपदी चैतन्य लाड
नंदेश्वर /प्रतिनिधी
अखिल भारतीय लाड समाज सामाजिक व संशोधन संस्थेच्या तालुकाध्यक्षपदी नंदेश्वर येथील चैतन्य लाड यांची निवड करण्यात आली आहे. तसेच तालुका उपाध्यक्षपदी रामेश्वर सगेलकर, तालुका कार्याध्यक्षपदी राहुल बिदरकर, तालुका सचिवपदी दिनेश दयानंद लाड व तालुका सल्लागारपदी संतोष लाड यांची निवड करण्यात आली आहे. सोलापूर येथील विणकर सभागृह कन्नड चौक येथे अखिल भारतीय लाड समाज सामाजिक व संशोधन संस्थे सोलापूरच्या वतीने गुणवंत विद्यार्थी सत्कार समारंभ व लाड समाज बांधव मेळावा आयोजित करण्यात आला होता. या समाजबांधव मेळाव्यात सदर निवडी करण्यात आल्या आहेत. या कार्यक्रमाला श्री बाळकृष्ण माऊली मठाचे मठाधिपती बाळासाहेब महाराज, माजी पालकमंत्री आमदार विजयकुमार देशमुख, पंढरपूर मंगळवेढा विधानसभा मतदारसंघाचे आ. समाधान आवताडे, अखिल भारतीय लाड समाज सामाजिक व संशोधन संस्थेचे जिल्हाध्यक्ष बाळकृष्ण लाड यांचे सह समाजातील अनेक मान्यवर व समाज बांधव मोठ्या संख्येने उपस्थित होते. यावेळी लाड समाजातील गुणवंत विद्यार्थ्यांचा सत्कार करण्यात आला.
नूतन पदाधिकाऱ्यांचे देवसागर साधक ट्रस्टचे अध्यक्ष शिवशंकर लाड, संजय बिदरकर, लाड समाजाचे नेते भारत लाड, विवेक लाड, दीपक लाड, श्रीधर लाड, प्रसाद लाड, उदय लाड, आशिष लाड, महेश लाड यांनी अभिनंदन केले आहे.
