(टीम सोलापूर आजतक)
मंगळवेढा तालुक्यातील नंदेश्वर-शिरशी रस्त्यावर असणाऱ्या झारेवाडी येथे दादासाहेब गंगथडे यांच्या घरात हॉटेलचे साहित्य बनवत असताना गॅसचा स्फोट होऊन गंगथडे परिवारातील एकूण चार जण जखमी झाले होते. यामध्ये श्रेया राहुल गंगथडे आणि स्वरा राहुल गंगथडे या दोन चिमुरडींचा गॅसचा स्फोट झाल्यानंतर जागेवरच मृत्यू झाला होता. यानंतर आता मृत झालेल्या दोन मुलींची चुलती मोनाली दादासाहेब गंगथडे (वय 24) यांचा दोन महिन्यांच्या उपचारानंतर धक्कादायक मृत्यू झाला आहे. या घटनेने सर्वत्र हळहळ व्यक्त होत आहे.
याबाबत सविस्तर वृत्त असे की, नंदेश्वर येथील झारेवाडी येथे राहत असलेल्या गंगथडे परिवाराचा मंगळवेढा तालुक्यातीलच शिरसी येथे हॉटेलचा व्यवसाय होता. हॉटेलचे साहित्य ते घरी नेहमीच बनवत होते. 25 जून रोजी हॉटेलचे साहित्य बनवत असताना गॅसच्या शेगडीची पाईप फुटून जोराचा स्फोट झाला आणि या स्फोटात गंगथडे परिवारातील एकूण पाच जण गंभीर जखमी झाले. यामध्ये श्रेया आणि स्वरा या दोन मुली जागीच मृत्युमुखी पडल्या होत्या. तसेच या दोन मुलींचे चुलते दादासाहेब गंगथडे व चुलती मोनाली गंगथडे यांचेवर सोलापूर येथील रुग्णालयात उपचार सुरू होते.
पण दोघेही गंभीर जखमी असल्यामुळे पुढील उपचारासाठी त्यांना लातूर येथील लहाने हॉस्पिटल येथे पाठविण्यात आले. तेव्हापासून आजपर्यंत जवळपास दोन महिने लहाने हॉस्पिटलमध्ये दोघे पती-पत्नीवर उपचार सुरू होता. त्यामध्ये शुक्रवार दिनांक 22 रोजी पत्नी मोनाली हिची मृत्यू सोबतची झुंज संपुन तिचा मृत्यू झाला आहे. पती दादासाहेब याच्यावर लहाने हॉस्पिटलमध्ये उपचार सुरू आहेत.
