डिजिटल मीडिया प्रभावी ठरतोय, तितकाच समाजोपयोगी ठरावा ही अपेक्षा – अनिल सावंत
* डिजिटल मीडिया संपादक पत्रकार संघटना मंगळवेढा तालुका कार्यकारिणीचा सत्कार
* (टीम सोलापूर आजतक)
पत्रकार हा लोकशाहीचा चौथा स्तंभ म्हणून ओळखला जातो. जिथे अन्याय होतो तिथे पोलिसांइतकेच पत्रकारांकडे देखील मसीहा म्हणून बघितले जाते. आज पत्रकारितेमध्ये डिजिटल मीडिया प्रभावी ठरताना दिसतोय. आपणही समाजाचे देणे लागतो या भावनेने व पत्रकारितेच्या जबाबदारीने अल्पावधीत प्रभावी ठरलेल्या डिजिटल मीडियाने तितकेच समाजोपयोगी ठरावे हीच सर्वसामान्यांची अपेक्षा असणार आहे असे प्रतिपादन भैरवनाथ शुगरचे उपाध्यक्ष, राष्ट्रवादीचे नेते अनिल सावंत यांनी केले. मंगळवेढा येथील अनिलदादा सावंत जनसंपर्क कार्यालयात अनिल सावंत यांचे हस्ते डिजिटल मीडिया संपादक व पत्रकार संघटना, महाराष्ट्र राज्य यांच्या मंगळवेढा तालुका कार्यकारिणीचा सत्कार करण्यात आला. यावेळी महाराष्ट्र नवनिर्माण सेनेच्या तालुकाध्यक्षपदी निवड झाल्याबद्दल धनाजी गडदे यांचाही सत्कार करण्यात आला. यावेळी राष्ट्रवादीचे शहराध्यक्ष चंद्रशेखर कोंडुभैरी, मनसेचे जिल्हा समन्वयक नारायण गोवे, संतोष रंधवे यांचे सह मान्यवर उपस्थित होते.
डिजिटल मीडिया संपादक व पत्रकार संघटना महाराष्ट्र राज्य मंगळवेढा तालुकाध्यक्ष) सुनील कसबे , भिमराव मोरे (उपाध्यक्ष), सचिन हेंबाडे (उपाध्यक्ष), राहुल मस्के (उपाध्यक्ष), रज्जाक मुजावर (कार्याध्यक्ष), येताळा खरबडे (सहकार्याध्यक्ष), बापूसाहेब मासाळ (सचिव), सुनील चेळेकर (सहसचिव), समाधान फुगारे (खजिनदार), संतोष पिसाळ (प्रसिद्धीप्रमुख) आदी नूतन पदाधिकाऱ्यांशी परिचय करून घेत त्यांचा सत्कार केला.
