नंदेश्वर/ प्रतिनिधी
नंदेश्वर ता.मंगळवेढा येथे श्री मलुआई देवी यात्रेनिमित्त प्रसिद्ध व्याख्याते वसंत हंकारे यांचे व्याख्यान आयोजित करण्यात आल्याची माहिती यात्रेचे संयोजक शिवसेना तालुकाप्रमुख अशोक चौंडे यांनी दिली आहे. नंदेश्वर येथील श्री बाळकृष्ण विद्यालयात दुपारी ठीक दोन वाजता वसंत हंकारे यांचे व्याख्यान संपन्न होणार आहे.
किशोरवयीन विद्यार्थ्यांनी व तसेच कॉलेज तरुण तरुणींनी सामाजिक जीवनात कसे वावरावे यावरती अत्यंत प्रबोधनात्मक असे व्याख्यान देणारे व्याख्याते वसंत हंकारे हे महाराष्ट्र भर सुप्रसिद्ध आहेत.
दरवर्षी नंदेश्वर येथील श्री मलु आई देवी यात्रेनिमित्त अत्यंत नियोजनबद्ध आणि प्रबोधनात्मक तसेच मनोरंजनात्मक कार्यक्रम राबवले जातात. याचाच एक भाग म्हणून आज श्री बाळकृष्ण विद्यालयात वसंत हंकारे यांचे व्याख्यान संपन्न होणार आहे. या व्याख्यानाच्या कार्यक्रमात नंदेश्वर तसेच पंचक्रोशीतील वृद्ध तरुण तरुणी विद्यार्थी यांनी सहभागी होण्याचे आवाहन श्री मलूआई देवी यात्रा कमिटीच्या वतीने करण्यात आले आहे.
