नंदेश्वर / प्रतिनिधी : मंगळवेढा तालुक्यातील खडकी गावात घडलेल्या हृदयद्रावक घटनेने संपूर्ण परिसरावर शोककळा पसरली आहे. सरपण आणण्यासाठी गेलेल्या आईसह तिच्या दोन लहान मुलांचा साठवण तलावात बुडून मृत्यू झाल्याने गावासह तालुक्यात हळहळ व्यक्त केली जात आहे.
अशा प्रकारच्या दुर्घटना टाळण्यासाठी उपाययोजना होणे आवश्यक
पंढरपूर नगरपालिकेच्या नगराध्यक्षा प्रणिता भालके यांनी पीडित घोडके कुटुंबीयांची प्रत्यक्ष भेट घेऊन त्यांचे सांत्वन केले. त्यांनी कुटुंबीयांना धीर देत या दुःखद प्रसंगी आपण त्यांच्या पाठीशी आहोत, अशी भावना व्यक्त केली. तसेच प्रशासनाने अशा दुर्घटना टाळण्यासाठी आवश्यक उपाययोजना कराव्यात, अशीही अपेक्षा त्यांनी व्यक्त केली.
यावेळी अशोक घोडके, सुदर्शन महाराज, नामदेव कसबे, सुनील घोडके, शिवबाई घोडके, भैरू घोडके, आप्पा कसबे तसेच घोडके कुटुंबातील इतर सदस्य उपस्थित होते. गावकऱ्यांनीही या दुःखद प्रसंगी कुटुंबीयांना धीर देत सहानुभूती व्यक्त केली.
