टीम सोलापूर आजतक ✍️✍️✍️
राष्ट्रवादी शरदचंद्र पवार पक्षाचे तुतारीचे उमेदवार अनिल सावंत यांनी मतदारसंघात गाठीभेटी घेण्याचा दौरा आयोजित केला आहे. यानिमित्ताने पंढरपूर तालुक्यातील गोपाळपूर या गावी अनिल सावंत यांनी भेट दिली. यावेळी गोपाळपूर ग्रामस्थांनी अनिल सावंत यांचे जंगी स्वागत केले.
पंढरपूर मधील गोपाळपूरमध्ये गेल्या शंभर वर्षापासून दुचाकीच्या मागे म्हशी पळवण्याचा ऐतिहासिक खेळ खेळला जातो. भाऊबीज दिवशी या खेळाचे आयोजन करण्यात येते. आज हा खेळ पाहण्यासाठी गोपाळपूरमध्ये अनिल सावंत हे आवर्जून उपस्थित होते.
यावेळी गोपाळपूरचे माजी सरपंच शिवाजीराजे आसबे, गोपाळपूरचे विद्यमान सरपंच विक्रम आसबे यांनी स्वागत करत पुढील वाटचालीसाठी शुभेच्छाही दिल्या. विविध पदाधिकाऱ्यां बरोबर ग्रामस्थही मोठ्या मोठ्या संख्येने उपस्थित होते. उपस्थित नागरिकांशी बोलताना हा खेळ केवळ गोपाळपूर पुरता मर्यादित न राहता, राज्यभरात या खेळाला ओळख निर्माण व्हावी, यासाठी आपण प्रयत्न करण्याचा शब्दही यावेळी दिला.
गोपाळपूरमध्ये माझी शेती असल्यामुळे, मी याच गावाचा रहिवाशी आहे. येणाऱ्या काळात निश्चितपणे पंढरपूर मंगळवेढा मतदार संघाला विकासाच्या दृष्टीने एक वेगळी ओळख निर्माण करण्याचा माझा प्रामाणिक प्रयत्न असेल.
पवार साहेबांच्या विचाराचा हा मतदार संघ आहे, त्यामुळे पवार साहेबांवर प्रेम करणारी जनता पंढरपूर मंगळवेढ्याचा आमदार हा पवार साहेबांच्याच विचाराचा निवडेल, असाही विश्वास यावेळी सावंत यांनी व्यक्त केला.
