नंदेश्वर / प्रतिनिधी : एन.एम.एम.एस. या शिष्यवृत्ती परीक्षेत उत्तुंग असे यश मिळवित शिष्यवृत्तीस पात्र ठरल्यानंतर आता महाराष्ट्र राज्य परीक्षा परिषद तर्फे घेण्यात आलेल्या उच्च प्राथमिक शिष्यवृत्ती परीक्षा (इयत्ता ८ वी) मध्ये श्री बाळकृष्ण विद्यालय व कनिष्ठ महाविद्यालयाचा विद्यार्थी यशवंत आमसिध्द सासणे याने पुन्हा एकदा उज्ज्वल यशाची परंपरा कायम राखत उल्लेखनीय कामगिरी केली आहे. विद्यालयाचा होतकरू विद्यार्थी चि. यशवंत आमसिद्ध सासणे याने २०४ गुण मिळवत घवघवीत यश संपादन केले असून संपूर्ण नंदेश्वर परिसरातून त्याच्यावर अभिनंदनाचा वर्षाव होत आहे.
या यशामुळे विद्यालयाच्या शिरपेचात मानाचा तुरा रोवला गेला असून विद्यार्थ्यांच्या गुणवत्तापूर्ण शिक्षणासाठी घेतल्या जाणाऱ्या सातत्यपूर्ण परिश्रमांना यशाची पावती मिळाली आहे. यशवंत याने कठोर मेहनत, नियमित अभ्यास आणि शिक्षकांच्या योग्य मार्गदर्शनाच्या बळावर हे यश मिळविले आहे.
यशवंतच्या या यशाबद्दल मुख्याध्यापक शिक्षक, ग्रामस्थ, पालकवर्ग आणि मित्रपरिवाराकडून त्याचे अभिनंदन करण्यात येत आहे. तसेच पुढील शैक्षणिक वाटचालीसाठी शुभेच्छांचा वर्षाव होत आहे.
